တနေ့။

လူတစ်ယောက်ကို ကာကွယ်မပေးနိုင်ရင်တောင် အနှောက်အယှက်မပြုတာကလည်း သူ့ကိုစောင့်ရှောက်ပေးခြင်းတစ်မျိုးပါပဲ..

အစကတည်းက ကျွန်တော်ကြောင့်ထိခိုက်သွားမှာကိုမလိုလားခဲ့သူပါ အခုကျတော့ ပိုပြီးအန္တရာယ်ဖြစ်လာနိုင်တယ်လေ အကူအညီမပေးနိုင်တဲ့မိန်းမတစ်ယောက်အတွက် ကျွန်တော်တက်စွမ်းသလောက် ဖြည့်ဆည်းပေးခဲ့တာပါ

နောင်တရလားလို့မေးရင် နောင်တရမိပါတယ် ဘယ်လောက်ပဲနာကျင်နေပါစေ ကျွန်တော်ပြန်ပြီးဖက်တွယ်ခဲ့တာကြီးပါပဲ အခုတစ်ခါလည်းကျွန်တော်အဆုံးအထိဖက်တွယ်ချင်သေးပါတယ်

ဒါပေမယ့် နစ်နာစရာအကြောင်းတွေရှိလာနိုင်လို့ ကျွန်တော်မဆက်သွယ်တော့တာပါ ကျွန်တော်မှာဆုံးရှုံးစရာလို့ နောက်ကျောတစ်ခုပဲရှိပေမယ့် ခင်ဗျားမှာကဘဝတစ်ခုလုံးလေဗျာ ကျွန်တော်သိခွင့်ရတဲ့ ၅နှစ်ဆိုတဲ့အချိန်အတွင်းမှာ ခင်ဗျားဘယ်လောက်ကြိုးစားနေရလည်းဆိုတာ ဖွင့်မပြောပေမယ့် ကျွန်တော်သိထားပါတယ်

ထိုက်တန်တဲ့နေရာတစ်ခုမှာ အေးအေးချမ်းချမ်းနေစေချင်တာ ကျွန်တော့်စေတနာပါ 

ကွန်မြူနစ်လည်းဖြစ်မလာ ကဗျာဆရာလည်းဖြစ်မလာတဲ့ ကျွန်​တော့်လိုလူအတွက် ခင်​ဗျားဟာပန်းတခင်းပါပဲ ဝေဝေဆာဆာဖူးပွင့်နေတဲ့ ပန်းခင်းကြီးကို နမ်းရှိုက်ခွင့်မရှိပါဘူး အဲ့ဒီ့ပန်းခင်းကြီးကို အဝေးကနေငေးကြည့်နေရင်းနဲ့ ရေစက်ရှိခဲ့ရင် လေအဝှေ့မှာ ပန်းရနံ့တွေကို တနေ့ ကျွန်တော်ရှုရှိုက်ခွင့်ရအုန်းမှာပါ။

နေရာတစ်ခုရဖို့ အများကြီးကြိုးစားခဲ့ရသူအတွက် ထိုက်တန်တဲ့နေရာတစ်ခုမှာ အေးအေးချမ်းချမ်းပဲ နေစေချင်ပါတယ် 

အဲ့ဒါကြောင့် ကျွန်တော်ထပ်ပြီးမဆက်သွယ်တော့ပါဘူး

တကယ်လို့ ကျွန်တော်တို့ရေစက်ရှိလို့ တွေ့ခဲ့ရတယ်ဆိုရင် တနေ့တော့ပြန်တွေ့ခွင့်ရအုန်းမှာပါ

ကျန်းမာအောင်နေ ဘေးကင်းအောင်နေ အစစအရာရာဂရုစိုက် အကုန်လုံးအဆင်ပြေချောမွေ့မယ်လို့ ယုံကြည်ထားပါတယ်

ဆင်သွားရင်လမ်းဖြစ်သူကြီးအတွက်က အခက်အခဲဆိုတာ 

တခဏတာပါပဲဗျာ။

🙏

လွန်မြောက်ပါစေ။

လူပင်ပန်း စိတ်ပင်ပန်းဖြစ်နေတဲ့အချိန်မှာ ခင်ဗျားရှိစေချင်ခဲ့တာ ကျွန်တော့်ဆန္ဒပါ အခုအချိန်မှာ တကယ်ကိုအရေးကြီးတဲ့အချိန်ဖြစ်နေလို့ ခင်ဗျားမရှိတာသိပေမယ့် အရင်အချိန်တွေတုန်းကလည်း ကျွန်တော်လိုအပ်နေချိန်တိုင်း ခင်ဗျားမရှိခဲ့ဘူးလေဗျာ

အများကြီးမစောင့်တော့ပါဘူးဗျာ ကျွန်တော်ခင်ဗျားကို စပြီးသဘောကျခဲ့မိတဲ့ မေလ၊၁၈ရက်နေ့အထိပဲ ကျွန်တော်စောင့်ပါတော့မယ်

၆လကိုးသတင်း မဆက်သွယ်ခဲ့သူအတွက်က ၁၈ရက်ဆိုတာ ဘာမျှမဟုတ်ပါဘူး ကျွန်တော့်အတွက်ကတော့ ၁၈ရက်ဆိုတာ နောက်ဆုံးမျှော်လင့်ချက်ပါ ခင်ဗျားဆက်သွယ်ခဲ့ရင်တော့ ကျွန်တော်အများကြီး ပျော်ရွှင်ရမှာပါ

တကယ်လို့ မဆက်သွယ်ခဲ့ဘူးဆိုရင်လည်း အစထဲက ခင်ဗျားစီမှာ ကျွန်တော်မရှိခဲ့တာကို အမှန်အတိုင်းလက်ခံပေးလိုက်မှာပါ

လူတစ်ယောက်ကို သည်းခံမပေးနိုင်တဲ့ စောင့်စားမပေးနိုင်တဲ့ ကျွန်တော်က ခင်ဗျားကို ကျွန်တော်ကန့်သတ်ချက်ထက်ကျော်လွန်ပြီး သည်းခံစောင့်စားခဲ့ဘူးပါတယ် လူတစ်ယောက်ကို သဘောကျမိရင် ကျွန်တော်ဆိုတာကပျောက်ကွယ်သွားရတာ ကျွန်တော်ဗီဇဖြစ်နေတာကို အဲ့ဒီ့အကျင့်စရိုက်ကြောင့် ကျွန်တော်ကအမြဲနာကျင်ခဲ့ရတာပါ

ဒီစာကိုရေးနေပေမယ့် ခင်ဗျားပြန်လာမယ်လို့ ကျွန်တော်မမျှော်လင့်ထားပါဘူး တစ်ခါမျှကျွန်တော့်စီ ပြန်မလာခဲ့ဘူးခဲ့သူဟာ ဒီတစ်ခါလည်းပြန်လာမယ်ဆိုတာ မဖြစ်နိုင်တာလေဗျာ

ကျွန်တော့်အကျင်စရိုက်က နောက်ဆုံးအကြိမ်အထိ နောင်တမရချင်လို့ ၁၈ရက်နေ့အထိ စောင့်နေမှာပါ 

ယောင်္ကျားတစ်ယောက်ကို ချစ်မိသွားရင် အရှက်၊သိက္ခာ၊မာနတစ်ခုမျှမကျန်အောင် ပုံအောပြီးချစ်တက်တဲ့ မိန်းမဖြစ်လို့ ကျွန်တော်နောင်တမရပါဘူး

If it doesn't, it never was.

သိပ်လှတဲ့စာသားလေးဗျာ ကျွန်တော့်အတွက်လားဆိုတာ ၁၈ရက်နေ့ညကျရင် အဖြေကိုတိတိပပ သိခွင့်ရတော့မှာပါ။

😞

 

နွားစတိုရီ။

 

ခွေးဖြစ်နွားဖြစ်ချစ်တက်တော့လည်း ခွေးလိုနွားလိုပဲ ဆက်ဆံခံရပါတယ်ဗျာ..

တစ်ညလုံးအိပ်မပျော်တဲ့ကျေးဇူးက မနက်ခင်းမှာပဲ မာတာမိခင်နဲ့စကားများရတယ် မမက၂၅ရက်နေ့ထဲက တရားစခန်းဝင်သွားတော့ အိမ်မှာကိုယ်ကတိုက်စစ်မှူးဖြစ်နေရရော

မနေ့ကဆိုင်တစ်ရက်ပိတ်လိုက်တော့ ဒီနေ့မနက်မှာ ဆိုင်အတွက်ဝယ်ရမှာတွေ ချက်ပြုတ်ကြော်လှော်ပေးရမှာတွေက အများသား

ညက Viber blocked ခံရပြီး စောက်သည်းကွဲပါတယ်ဆိုမှ Fb က request လုပ်တိုင်း add friend ပြန်ဖြစ်နေတော့ ဒေါသဖြစ်မိတာရယ် ကိုယ့်ဘာသာစောက်ရူးထပြီး သေချင်စိတ်ဖြစ်မိတာရယ် ( လူကအားနည်းနေတာကြာပါပြီ မေလအကုန်မှာ တစ်ယောက်တည်းခရီးထွက်ဖို့ စိတ်ကူးထားတာပါ အမှန်ကဖုန်းက hand နေလို့ဝယ်ရမှာ စိတ်ကအဆင်မပြေတာနဲ့ စိတ်ကလေးအေးချမ်းသွားရအောင် ဖုန်းဝယ်ရမယ့်ပိုက်ဆံနဲ့ ခရီးထွက်မလို့ပါဗျာ )

နောက်တော့လည်း နွားမကြီးဆိုတော့ ဖုန်းနံပါတ်ကိုပြန် save fb account ကို ပြန်အပ်ပြီး အိပ်မလို့လုပ်တော့ မနက်၃နာရီ ကိုယ်အဆင်မပြေတာနဲ့ အိပ်ပျော်နေတဲ့ခွေးကိုလည်း ကိုယ်ချင်းမစာမနာ အိပ်နေတာကိုအတင်းခေါင်းထိုးပြီး သူ့နားကပ်အိပ် ဟိုကလည်းငိုနေတာကိုသိတော့ သူမကြိုက်ပေမယ့် ညိမ်ညိမ်လေးနေပေးရှာပါတယ်

မနက်ခင်း Viber ဝင်ကြည့်တော့ blocked လုပ်ထားဆဲ Telegram ဝင်ကြည့်တော့ မနက်မိုးလင်းခါနီးက online ဖြစ်ခဲ့တာ အဲ့ဒါနဲ့စျေးကြီးကိုမသွားပေးနိုင်တော့ စျေးလေးသွား အရေးကြီးတာအရင်ဝယ် ဆိုင်ဖွင့်ဖို့လုပ်ပေး ​နေ့လည်ဘက် ဝင်ကြည့်တော့လည်း blocked ထားဆဲ

Tg မှာလည်း online မဖြစ် စိတ်ပူပြီး accept မလုပ်ပေးတဲ့ fb သွားခိုးကြည့်တော့လည်း မနေ့ညကလို 222 post ပဲရှိ  မောလိုက်တာဗျာ 

စိတ်ရှိတိုင်းသာလုပ်ရရင် ခင်ဗျားကိုဒေါသတကြီးနဲ့ စကားတွေအများပြီးပြောပြီး ဗိုက်ကိုအသားကုန်ထိုးမှာ ပြီးရင်တစ်ကိုယ်လုံးကို ခွေးလိုကိုက်ပြစ်ချင်တာ တကယ်လုပ်မှာဗျ

စိတ်ပူနေတော့ နွားစတိုရီက ရေးဖြစ်အုန်းမှာပဲဗျာ။

Tg မှာ online ဖြစ်သွားလို့ တော်ပါသေးရဲ့ဗျာ

🙏🙏🙏

အရှက်မဲ့။

 

၅နှစ်တာလုံး တခုတ်တရသိမ်းဆည်းထားခဲ့မိတဲ့ အရာအားလုံးက မိနစ်ပိုင်းလေးမှာပဲ အကုန်ပြိုကျသွားရတာ တန်ပါတယ်ဗျာ။

တကယ်ကို တကယ်ကို အများကြီးကျေးဇူးတင်ပါတယ် သံယောဇဥ်ကို ယတိပြတ် ဖြတ်ခဲ့ပေးတဲ့အတွက်ပါ။

ရင်နာတာကို နာကျင်တာနဲ့ပဲ ဖြေလိုက်ပါတော့မယ် တသက်လုံးအတွက် နာကျင်သွားရမယ်ဆိုရင်တောင် ခင်ဗျားဆိုတာကို ကျွန်တော်မေ့ထားလိုက်ပါပြီ။

#28thApril2026

#Tuesday

😊

စောက်ကြီးစောက်ကျယ်တွေပြောပြီး ဖုန်းနံပါတ်တွေဖြတ် request လုပ်ထားတာကိုဖြတ် ပြီးတော့ တစ်နာရီတောင်မပြည့်ဘူး ဖုန်းနံပါတ်တွေပြန် save request ပြန်လုပ် 

ကမ္ဘာပေါ်မှာ      နဲ့ပတ်သက်လာရင် နင့်လောက်စောက်မှတ်မရှိတဲ့ကောင်မကို ဘုရားစူးပါစေရဲ့ ငါတစ်ယောက်မျှမတွေ့ခဲ့ဘူးပါဘူး ခင်စန္ဒာဝိုင်းရေ..

အရှက်မရှိတော့ Viber မှာ နွားကျခံပြီးတော့ အကူအညီတောင်းထားပါတယ် ကူညီပေးရင်တော့ ကောင်းမှာပါ

ကျွန်တော့်ကိုယ်ကျွန်တော် စိတ်နဲ့မဟုတ်ဘဲ တကယ်သတ်မိမှာကို စိုးရိမ်မိလို့ပါ။

😭😭😭

ချစ်သော Clover 🍀

 

သင်္ကြန်တွင်းမှာသတိရပေမယ့် ဆိုင်လည်းဖွင့်တာဆိုတော့ အရင်နှစ်ကလိုအများကြီးတော့ သတိမရနိုင်တော့ဘူးပေါ့ဗျာ

၁၈ရက်နေ့မှာတော့ တအားကြီးကိုသတိရမိလို့ fb မှာရှာကြည့်မိပါတယ် အလုပ်တာဝန်တွေများပြားနေတာကို post တစ်ခုကနေတွေ့လိုက်မိလို့ ခင်ဗျားအဆင်ပြေသွားမှာပါလို့ ကိုယ့်ဘာသာဖြည့်တွေးလိုက်မိပါတယ် အဲ့ကနေစပြီးတော့ သတင်းတွေပြန်ဖတ်ကြည့်မိတယ်

၂၂ရက်နေ့မှာ နေမကောင်းလို့ တနေ့လုံးသတိရနေပေမယ့် ကျွန်တော်မဆက်သွယ်မိခဲ့ပါဘူး ၂၄ရက်နေ့မှာ ကျွန်တော်ဝင်ဖတ်နေတဲ့သတင်းမှာ ထိတွေ့မှုဖြစ်စဥ်ပါလာတော့ အတော်လေးစိုးရိမ်ကြီးမိပါတယ်

၂၅ရက်နေ့နေလည်မှာ သတင်းတွေကနေတဆင့် ဘေးကင်းတာကိုသိရတော့ တကယ်ကိုအများကြီးဝမ်းသာမိပါတယ်

ဆင်သွားရင်လမ်းဖြစ်တဲ့သူမို့လို့ အစစအရာရာအကုန်လုံး အောင်မြင်ပြီး အဆင်ပြေချောမွေ့သွားရတာပါဗျာ

ကျွန်တော်နဲ့ အဲ့ကလူတွေအကုန်လုံးအတွက်တော့ ခင်ဗျားက ချစ်သော Clover 🍀 ပါ။

ပါချုပ်ဆရာတော် ( တစ်ယောက်တည်း နေခြင်း၏ အကျိုးကျေးဇူး တရားတော်။ )

https://youtu.be/GDnct6pzt6Y?si=UQzn3s6EI9Pt22jD

Feeling 5th April.

 

#5thApril2026.

အမှတ်တရရေးစရာတော့ ဘာမျှမရှိပါဘူး အကုန်လုံးကိုတမင်ကလာကို မေ့ထားပြီးပါပြီ ဒါပေမယ့်လည်း

နောက်နှစ်ဒီအချိန်ရောက် ကျွန်တော့်ကိုယ်ကျွန်တော် ဒီနေ့မှာ ဘယ်လို Ghost လုပ်ခဲ့ရလည်းဆိုတဲ့ Feeling ကို သတိရစေချင်လို့ပါ

မတန်တရာတွေကို မမျှော်လင့်တော့ပါဘူးဗျာ။

အခုစာက ၆ရက်နေ့ကိုကူးသွားမှ စရေးဖြစ်တာပါ ဆိုင်သိမ်းပြီးအိမ်ရောက်တော့ ည၁၀နာရီကျော်နေပြီ ဆိုင်သိမ်းနောက်ကျနေပေမယ့် အိမ်မက်ကြောင့်စိတ်အနှောက်အယှက်ရှိနေပေမယ့် ဆိုင်သိမ်းပြီးစအချိန် လခရကားဖြတ်သွားတာရယ် တူတော်မောင်ကစောင့်ပေးနေတာရယ်ကြောင့် အရမ်းကြီးတော့မကြောက်တော့ပါဘူး

မနက်ကအိမ်မက်မကောင်းဘူး ဘဝမှာတစ်ခါမျှမမက်ဘူးခဲ့တဲ့အိမ်မက်ကို မက်ခဲ့ရတာပါ နိုးလာတော့ အတော်လေးကြောက်နေမိတယ် ဆိုင်သိမ်းနောက်ကျလို့ မီးပျက်တဲ့ညတွေဆိုရင် အန္တရာယ်များနိုင်တော့ ကိုယ့်အန္တရာယ်ကိုယ်ကာကွယ်ရမှာပါ

အိမ်ကလူတွေကို အိမ်မက်မကောင်းဘူးပဲပြောပြမိတယ် အိမ်မက်အကြောင်းအရာကိုတော့ မပြောပြတော့ဘူး အခုလည်းကျွန်တော်မရေးပါဘူး ကျွန်တော်လုံးဝ လုံးဝ မကြိုက်တဲ့အိမ်မက်ပါ

အခုရက်ပိုင်း နေ့လည်ဆိုင်ဖွင့်ပေးပြီးရင် အိမ်မှာပဲနေဖြစ်တယ် ဆိုင်ကိုညနေပိုင်းကျမှပဲ စထိုင်တာများတယ် မီးလာရင် video တွေ telegram ကနေ down ထားတယ် မီးပျက်ရင်ထိုင်ကြည့်တယ် Wifi ကို စာရေးဖို့ထက် video down ဖို့ကို အဓိကထားသုံးနေမိတယ်

ဒီနေ့လည်ကျတော့ ၅ရက်နေ့ဆိုတော့ အရင်နှစ်တွေက blog post တွေပြန်ကြည့်မိတယ် ၅ရက်နေ့မှာ သူစိမ်းတစ်ယောက်ကလွဲရင် ဘာမျှမရှိတော့ စာရေးချင်မိပြန်ရော ဒါပေမယ့် တကယ်တန်းရေးမယ်ဆိုတော့ ဘာ feeling မှ မရှိဘူးဗျာ

အရာအားလုံးကို တမင်ကလာကိုမေ့ထားတာပါ ကျွန်တော်ကြီးကပဲ ယောင်္ကျားတစ်ယောက်ကို ချစ်နေရတဲ့ဘဝကြီးကို မုန်းပါတယ် ကျွန်တော်လည်း မိန်းမတစ်ယောက်ဖြစ်လို့ အချစ်ခံချင်ပါတယ် တခြားလူတွေထက် ပိုပြီးအကဲဆက်တဲ့သူဖြစ်လို့ပါ ဆက်မရေးတော့ပါဘူးဗျာ 

ဘဝကို နေပျော်သလိုဖြတ်သန်းနေတာမဟုတ်ဘဲ သူရှင်သန်နေတဲ့အပေါ်မှာ ဝင်သက်ထွက်သက်လေးမရပ်သွားသေးတာပါ 

တနေ့တော့ အဆင်ပြေသွားမှာပါဆိုတဲ့ စကားကိုတော့ ထပ်မဆိုတော့ပါဘူး အဆင်ပြေတာမပြေတာက ကျွန်တော့်ရှင်သန်ခြင်းအတွက် အထောက်အကူမပြုတော့လို့ပါ

လိုချင်တပ်မက်မှုတွေကို ကျွန်တော်ကလွှတ်ချလိုက်တာ မဟုတ်ပါဘူး သူတို့က ကျွန်တော့်ကို လွှတ်ချလိုက်တာပါ အပြင်ကဘဝတွေက ရုပ်ရှင်ဇာတ်လမ်းထဲကဘဝတွေထက် ပိုပြီးရသမြောက်တယ်ဆိုတာ ကာယကံရှင်ကလွဲရင် ဘယ်သူသိနိုင်မှာလဲဗျာ။

ဘဝမှာတစ်ဖက်လူကြောင့် တစ်ခါသေဘူးခဲ့ပြီးပါပြီ အခုကျမှ ကိုယ့်ကိုကိုယ်ကြောင့် နောက်တစ်ကြိမ်တစ်ခါသေခဲ့ရပြန်တာ နှစ်ခါသေခဲ့ရပြီးပြီဆိုတော့ ဘယ်သူ့ဘယ်သူမျှကို ဘာအကြောင်းနဲ့မျှ ဆင်ခြေမပေးသင့်တော့ပါဘူးဗျာ။

စူဠာမဏိကျောင်းတိုက်။

ဒီညနေ အမေ့မောင်ဦးလေးအကြီးပဥ္ဇင်းခံတယ် အရက်လကအိမ်လာလည်ရင်း ဦးဇင်းဝတ်မယ်ပြောတော့ သူတစ်ယောက်တည်း ဝတ်မယ်ထင်နေတာ 

လဆန်းတုန်းက အန်တီနုနဲ့ဖိတ်စာလာပို့ကာမှ ဦးဇင်းခြောက်ပါး ကိုရင်ငါးပါးမှန်းသိတာ အဲ့မှာကိုယ်သိတာက ကိုယ့်ဦးလေးတစ်ယောက်တည်း အဒေါ်ကလည်းဦးလေးခြောက်ဆယ်ကျော်မှ နောက်အိမ်ထောင်ပြုတာဆိုတော့ သူ့ဘက်အမျိုးတွေကို ကိုယ်တွေမပြောနဲ့ ကိုယ့်မောင်တွေဦးလေးသားလေးယောက်တောင်မသိဘူး

၂၈ရက်နေ့ကသိမ်ဆင်းလောင်း ၂၉ရက်နေ့ကအလှူကြီးဆိုတော့ သွားရမှာကအင်စိန်အောင်ဆန်းဘက်က စူဠာမဏိကျောင်းတိုက်ဆိုတော့ အိမ်မှာနှစ်ဖွဲခွဲလိုက်တယ် ဦးလေးအငယ်နဲ့ကိုယ်ကသိမ်ဆင်းလောင်းကိုသွားမယ် အသွားကို Taxi နဲ့ အပြန်ကို Ybs ၂ဆင့်စီးပေါ့

မနက်ဖြန်အလှူကြီးကို အမေတို့သွားမယ်ပေါ့ ညနေဘက်အလှူသွားမှာဆိုတော့ မနက်၁၁နာရီခွဲကျော် ဆိုင်ဖွင့်ပေးပြီး နေ့လည်၂နာရီခွဲအထိဆိုင်ထိုင်ပေးမယ် သိမ်ဆင်းတာက ဖိတ်စာမှာ၄နာရီဆိုပေမယ့် ရန်ကုန်ထုံးစံဆိုရင် ၄နာရီခွဲလောက်မှဆင်းဖြစ်တာဆိုတော့ အိမ်ကနေ၃နာရီခွဲသွားရင်ရပြီပေါ့

ဦးလေးအငယ်က အဖွားနဲ့တူတော့ဦးလော နေ့လည်၂နာရီထဲက သွားဖို့ပြင်ခိုင်းနေတော့ ၂နာရီကျော်အိမ်ကိုပြန်လာ အလှူအ​ဝတ်အစားထဲကအပါးဆုံးအထည်ကိုမီးပူပြန်တိုက် မျက်နှာသစ်အလှပြင်ပြီးတော့ ၃နာရီထိုးတော့မယ် ဦးလောက Grab ခေါ်ခိုင်းပါလေရော

လှတပတလေးပြင်ထားတာကို ဓါတ်ပုံတောင်သေချာမရိုက်လိုက်ရဘူးဗျာ ၃နာရီ​ထဲက Grab ခေါ်နေတာ ၃နာရီ၁၅မှကားရတယ် ဆီစျေးတက်တော့ ပြန်ရောင်းစားတဲ့သူများတော့ Grab ခေါ်ရင် ကားမရှိဘူးဗျာ 

ဘုန်းကြီးရောက်တော့ ညနေ၄နာရီထိုးတော့မယ် အဲ့ထဲကသိမ်ဆင်းတော့မယ်ဆိုပြီး ​လောင်းမယ့်ပရိသတ်ကစုလိုက်ကြ ခဏနေရင်နေပူလို့အရိပ်ခိုလိုက်ကြနဲ့ ၄နာရီမိနစ်၄၀လောက်မှ သိမ်ဆင်းလောင်းလှူရတယ် ကျောင်းမှာပုံလှလှလေးရိုကမမယ်လို့ စိတ်ကူးထားပေမယ့် ဘုရားစေတီပုံတောင်မရိုက်ဖြစ်ဘူး

ဦးဇင်းကိုနှုတ်ဆက်ဖို့တရားနာပြီးတဲ့အထိစောင့် ဦးဇင်းဓါတ်ပုံရိုက်မှ အလှူအစ်မလည်းဓါတ်ပုံရိုက်ဖို့သတိရတယ် ပြီးတော့မှဦးဇင်းရဲ့သားကိုရဲအောင်တို့ကားကြုံနဲ့ တညင်းကုန်းလမ်းဆုံကနေ ၄၂စီးပြီးတူရီးနှစ်ယောက် Taxi ခ နှစ်သောင်းခွဲကျော်သက်သာပြီး Ybs ခ တစ်ထောင်နဲ့အိမ်ပြန်ရောက်လာရော

အိမ်ရောက်တာနဲ့ အဝတ်အစားလဲပြီးဆိုင်ပြန်ပြေးရတယ် အသက်၇၀အမေက အကြာကြီးဆိုင်မထိုင်နိုင်ဘူးလေဗျာ။

 

အန်တီ Day out.

အိမ်ကိစ္စရှိလို့ နေ့လည်ကရေချိုးခေါင်းလျှော်ပြီး လှတပတလေးပြင်ပြီး အပြင်သွားဖြစ်ပါတယ် အိမ်မှာပိုက်ဆံလိုလို့ ရွှေတိုရွှေစလေးသွားရောင်းပေးတာပါ အရပ်ထဲက cctv တွေက မျက်လုံးတွေကပ်ပါလာသလားလို့ ထင်မိအောင် ကြည့်ကြပါတယ် တကယ်ပြောတာပါ သူတို့ထင်ကြေးတွေကို သိလည်းမသိချင်ဘူး စိတ်လည်းမဝင်စားဖြစ်ပါဘူး

လမ်းသွားရင် ကျွန်တော် Mood နဲ့ ကျွန်တော်ဆိုတော့ ရှေ့တည့်တည့်ကနေပြုံးပြနှုတ်ဆက်တဲ့သူရှိရင်တောင် မမြင်မိတာများပါတယ် အဲ့ဒီတော့ သူတို့အကြည့်ခံရတာတောင် လှလို့ကြည်တာပါဆိုတဲ့ အတွေးနဲ့ မှတ်တိုင်ရောက်သွားပါတယ် 116 ပေါ်မှာလည်း အကြည့်ခံရပြန်ရော သြော် ငါ့ကိုငါအသက်ကြီးလှပြီထင်နေတာ အခုလိုလေးနေတော့လည်း လူကြည့်ခံရသားဆိုပြီး နွားဖြစ်ချင်တဲ့အတွေးက ဝင်လာပြန်ရော

နွားဖြစ်ချင်တယ်ဆိုတာ တခြားမဟုတ်ပါဘူးဗျာ လူဆိုတဲ့အသိုင်းအဝန်းထဲမှာတောင် မနေချင်တော့တာပါ လူတစ်ယောက်ရဲ့လိုအင်ဆန္ဒတွေကို မလိုချင်တော့တာပါ စိတ်တွေပင်ပန်းဆင်းရဲလွန်းလို့ပါ

ဒါပေမယ့် မိန်းမဖြစ်နေတော့လှချင်ပါတယ် စိတ်အဆင်မပြေတဲ့အချိန်ဆို အရင်ကထက်အချိန်ပေးပြီး ပိုပြီးအလှပြင်မိပါတယ် အမှန်က အခုအချိန်မှာ Bar တစ်ခုခုသွားပြီး အရက်သောက်ချင်မိတာပါ ၆လပိုင်းအကုန်အထိ အရက်မသောက်ဘူးလို့ လှူထားမိလို့သာ ရှောင်ကျဥ်နေတာပါ

ဘာမှမဟုတ်ပါဘူးဗျာ ရေးချင်တာရေး​မိတာပါ။

စိတ်ကူးပေါက်တာနဲ့ ညဘက်ထပ်ရေးမိတာပါ

မနေ့ညက ရာသီဥတုပူတာရော ပလပ်ကျွတ်ပြီးစိတ်ကရှုပ်နေတာရော လူကတစ်အိမ်လုံး အေးတဲ့နေရာပြောင်းအိပ်လည်း အိပ်လို့မရဘူး ည၁နာရီကျော်မှာ လမ်းမကြီးကနေ မီးသတ်ကားတွေ သူနာပြုယာဥ်တွေ အများကြီးသွားတော့ လူကပိုစိုးသွားရော စိတ်တွေက 2021 စီပြန်ရောက်သွားမိတယ်

အဲ့ဒါနဲ့ ည၂နာရီလောက်မှာ မွေယာဘေးက သံမံတလင်းပေါ်မှာဆင်းအိပ်ကြည့်တော့ အေးတာနဲ့အိပ်ပျော်စပြုရော ခြင်တွေကမတအားကိုက်တာနဲ့ အိပ်ချင်စိတ်ကလေးကပျောက်သွားရရော အိပ်မရလည်းမထူးပါဘူးဆိုပြီး ခြင်ထောင်ထဲပြန်ဝင်ပြီး ညိမ်ညိမ်လေးနေလိုက်တယ်

အဖေညဘက်တပို့တပါးထသွားတော့ အချိန်မနည်းဘူးဆိုတာသိလိုက်တယ် ဖုန်းနာရီကိုမကြည့်လိုက်တော့ဘူး အိပ်ချိန်နည်းသွားတာသိရင် ပိုပြီးအိပ်မပျော်တဲ့အကျင့်ရှိတာပါ 

ခဏနေတော့အိပ်ပျော်သွားရော အသက်၈၀ကျော်အဖေက သူ့ထုံးစံအတိုင်းမနက်၅နာရီခွဲကျော်အလန်းပေးထားတော့ ကျွန်တော်ပါနိုးရော မနက်၆နာရီမထိုးသေးဘူး ရေမော်တာဖွင့်တော့ ဆက်အိပ်လို့ကမရတော့ဘူး

ရာသီဥတုပူလို့ အိမ်ရှေ့မှာထွက်အိပ်ကာမှ အိပ်ရေးမဝတော့ ဒေါသထွက်ပါလေရော ဒေါသမကြီးအောင်ပဌာန်းတရားဖွင့်ပြီး အိပ်လို့မရတာကိုဆက်အိပ်နေလိုက်တယ် မနက်၁၀နာရီသွားဖို့စီစဥ်ထားတာ အကုန်လွဲရော တရားဆုံးမှအခန်းထဲဝင်အိပ်လိုက်တယ်

အိပ်ယာနိုးတော့ ၁၁နာရီထိုးပြီ ဖုန်းကလည်းအားမရှိ ပါဝါဘန့်လည်းအားမရှိ မီးကလည်းမလာတော့ နေ့လည်၁နာရီ မီးလာပြီးမှအားခဏသွင်းပြီးသွားမယ်ပေါ့

အဝတ်အစားတွေကလည်း အကုန်လုံး Luggage ထဲထည့်ထားတော့ မီးပူပြန်တိုက်မှအဆင်ပြေတော့မှာ မီးပူတိုက်စရာမလိုတဲ့ ဂါဝန်ကိုဝတ်​ကြည့်တော့ ကြိုးကချောင်နေတော့ ရက်ဘက်ကဟိုက်နေရော အဲ့ဒါနဲ့ကြိုးကိုတိုလိုက်တယ် ပြီးတော့ပြန်ဝတ်ကြည့်ရော ရင်ဘက်ကအဆင်ပြေသွားပေမယ့် ချိုင်းပေါက်ကဟောင်းလောင်းဖြစ်နေရော အဲ့ဒါနဲ့ချိုင်းဘေးကိုပြန်သီ ပြီးတော့ပြန်ဝတ်ကြည့်တော့ အဆင်ပြေသွားရော

အဲ့အချိန်မှာ မီးလာနေပြီ မြန်မြန်ဆန်ဆန်အဝတ်တစ်စုံကို မီးပူတိုက်ဝတ်ရင်တောင်ရပါတယ်ဗျာ ဂါဝန်ပဲဝတ်သွားမယ်ဆိုတဲ့ စိတ်ကြီးကအဆင်မပြေဘူးဗျ

အကုန်လုံးလွှတ်ချလိုက်ပါပြီလို ပြောနေပေမယ့် အခုအချိန်အထိ အရာအားလုံးကို ကျွန်တော်ဖက်တွယ်မိနေတုန်းပါ။

 

25thFeb2026.

နယ်ရုပ်တစ်ခုရဲ့အဆုံးသတ်ပေါ့ဗျာ။

အလုပ်များနေတာကိုလည်း သိထားပါတယ် ကျွန်တော်စာပို့လိုက်ရင် စိတ်အနှောက်အယှက်ဖြစ်ပြီး ကျွန်တော့်ကိုနောက်ထပ် မဆက်သွယ်တော့ဘူးဆိုတာလည်း သိထားပါတယ်

ဒါပေမယ့် 2023 December မှာ ကျွန်တော့်ကိုမတွေ့ခဲ့လို့ အဲ့ဒီနောက်ပိုင်းမှာ ကျွန်တော့်စိတ်တွေ မပြတ်မသားဖြစ်လာရတာပါ 

လူတစ်ယောက်က ကျွန်တော်လိုလူမျိုးကို စကားပြန်ပြောတာက ဗုဒ္ဓဘာသာဖြစ်ပေမယ့် ကျွန်တော့်အတွက်ကောင်းချီးပေးတယ်လို့ပဲ ယူဆထားပါတယ်

အမှန်က ကျွန်တော်မဆက်သွယ်တော့ဘူးလို့ ဆုံးဖြတ်ထားတာပါ ညဘက်တွေအိပ်မပျော်ရင် စာပို့တာမဟုတ်ဘဲ viber ကို ဝင်ကြည့်နေမိပါတယ် အရမ်းအိပ်ချင်တဲ့အချိန်မှ line out သွားတယ်

ကျွန်တော် မချစ်တော့ဘူးလားမေးရင် ​ကျွန်တော့်မှာအဖြေမရှိဘူး ဝန်ခံပါတယ် အခုအချိန်အထိ ကျွန်တော်ချစ်နေတုန်းပဲလေ ဒါပေမယ့် ကျွန်တော် အဖြေမရခဲ့ပါဘူး 

ရှေ့ဆက်ဖို့အတွက် ကျွန်တော်လည်း အဖြေတစ်ခုလိုချင်မိတာပါ 

အလုပ်များနေတဲ့သူဖြစ်လို့ စာအများကြီးမပို့ဘူးလို့ တွေးထားပေမယ့် ရေးရင်းနဲ့စာရှည်သွားရတာပါ

အောက်ကစာက ၁၄ရက်နေ့ညထဲက ရေးထားတာပါ အမှန်က နောက်လ၁၄ရက်မှ ပို့မလို့လုပ်ထားပေမယ့်

ဒီနေ့ပို့လိုက်တာပါ

အဲ့ဒီစာဖတ်ပြီးတော့ ကျွန်တော့်ကို ဆက်ပြီးဆက်သွယ်သည်ဖြစ်စေ ( လုံးဝ ) မဆက်သွယ်တော့သည်ဖြစ်စေ အဲ့ဒီ့အကျိုးဆက်ကို ကျွန်တော်လက်ခံမှာပါ

ထိခိုက်အောင် နည်းနည်းမျှမလုပ်ပါဘူး ပြောခဲ့တဲ့မိန်းမက ထိခိုက်အောင်လုပ်တာမဟုတ်ပါဘူး အဲ့ဒါက ကျွန်တော့်ဆန္ဒအမှန်ပါ။

ဝင်ဖတ်သည်ဖြစ်စေ ဝင်မဖတ်သည်ဖြစ်စေ ကျွန်တော့်ဘက်ကနေ အသိပေးရမယ့်တာဝန်ရှိလို့ ပို့ပေးထားတာပါ။

ဒီစာကိုအစကတော့ ဖေဖေါ်ဝါရီ14ရက်နေ့ညကတည်းကပို့မလို့ပါ စိတ်အနှောက်အယှက်ဖြစ်ရမှာစိုးလို့ တစ်လပြည့်တဲ့နေ့ကျမှ ကျွန်တော်ပို့လိုက်မယ်လို့ အစကစီစဥ်ထားတာပါ ဒီကြားထဲ ကျွန်တော်ထပ်ရေးဖြစ်တာဆိုတော့ စာအရှည်ကြီးဖြစ်သွားရတာပါ

အဓိကက ကျွန်တော် တကယ်ပြန်မလာတော့ဘူးဆိုတာကို ပြောပြချင်တာပါ။

ကျွန်တော့်ဘာသာလည်းသိထားပါတယ် ကျွန်တော်ပုံစံက စသိကတည်းက နှစ်သက်သဘောကျတဲ့ အမျိုးသမီးတစ်ယောက်ပုံစံမျိုးမဟုတ်ခဲ့တာကိုပါ ကျွန်တော်လိုချင်တဲ့အမျိုးသားပုံစံကလည်း ကျွန်တော့်ကိုညီမငယ်တစ်ယောက်လို ဆုံးမသွန်သင်ပေးပြီး မိန်းမတစ်ယောက်လို ချစ်ပေးနိုင်တဲ့လူမျိုးပါ 

အခုလိုအဆုံးသတ်သွားရတော့လည်း နှစ်ယောက်စလုံးအတွက် အများကြီးကောင်းသွားတယ်လို့ ကျွန်တော်ထင်မိပါတယ် ကျွန်တော်က ရန်သူမျိုးငါးပါးမှာပါတဲ့ မချစ်မနှစ်သက်သောသူဆိုတာကြီးဖြစ်နေရတာလေ။

ရှိနေတဲ့သူကိုချောကလက်ပို့ပေးခွင့်ရှိတဲ့ မိန်းမတစ်ယောက်ကိုအများကြီးအားကျမိခဲ့ပါတယ် မနာလိုစိတ်လည်းအများကြီးဖြစ်ခဲ့ရပါတယ် တင်ထားတဲ့ပုံကိုတောင်းမိတုန်းကလည်း အဲ့ဒီ့ပုံကကျွန်တော်အတွက် မဟုတ်ဘူးဆိုတာကို သိထားပါတယ် 

၅နှစ်ဆိုတဲ့ အချိန်ကာလအတွင်းမှာ ကျွန်တော့်ဖြစ်တည်နေမှုကို သိသိရက်နဲ့မသိချင်ဟန်ဆောင်ခဲ့တာပါ အခုတော့ရှေ့ဆက်ဖို့ကို မဖြစ်နိုင်တော့မှန်းသိလို့ အခုလိုရပ်တန်းကနေ ရပ်တန့်လိုက်မိတာပါ 

ဘာမျှကိုအရေးတကြီးမဟုတ်ခဲ့တဲ့ သဲမှုန်လေးတစ်ပွင့်လောက်ပမာဏက ကျွန်တော့်အတွက်တော့ ကျောက်တောင်ကြီးတစ်ခုလို သက်ရောက်မှုရှိခဲ့ပါတယ် အဲ့လိုဖြစ်စဥ်တွေက ၅နှစ်ဆိုတဲ့အချိန်အတွင်းမှာ အများကြီးပါ 

ဘာမျှမဟုတ်တဲ့ကိစ္စတစ်ခုကို ရေးကြီးခွင်ကျယ်လုပ်ပြီး ဒီအသက်အရွယ်အထိရောက်နေတာတောင်မှ မရင့်ကျက်သေးဘူး အသိတရားမရှိဘူး နားလည်မှုမရှိတဲ့မိန်းမလို့ပြောနိုင်ပါတယ် အဲ့ဒါကအမှန်တရားဖြစ်နေလို့ ကျွန်တော်လက်ခံပါတယ်

အမှန်တကယ်က ဒီတစ်ခေါက်တွေ့ပြီးတာနဲ့ ကျွန်တော်နောက်ထပ် ထပ်ပြီးမဆက်သွယ်တော့ဘူး ဆိုတာကိုဆုံးဖြတ်ထားပြီးသားပါ ကျွန်တော်ကသိမ်ငယ်နေရတာကို အတော့်ကိုသဘောမကျတဲ့လူတစ်ယောက်ပါ။

တစ်ခါပဲတွေ့ခွင့်ရခဲ့လို့ အပြင်မှာ ရုတ်တရက်တွေ့ခဲ့ရရင်တောင် မမှတ်မိတော့လို့ ကျွန်တော်မှတ်မိချင်လို့သာ ပြန်လာရင်နောက်ဆုံးတစ်ခေါက်လူချင်းတွေ့ပြီးမှ ထပ်ပြီးမဆက်သွယ်တော့ပါဘူး ဆိုတာကိုပြောဖို့အတွက်ကို အခုနှစ်စတည်းကဆုံးဖြတ်ထားတာပါ။

ကျွန်တော်မသိစိတ်က ယောင်္ကျားလေးဆန်တော့ ကျွန်တော်နဲ့အဆင့်အတန်းအများကြီး ကွာခြားနေတဲ့ လူတစ်ယောက်ကိုတဖက်သက်ချစ်ခွင့်ရယုံနဲ့တင် မကျေနပ်နိုင်ပါဘူး အဲ့ဒီ့လူတစ်ယောက်အနားမှာနေချင်တယ် ဖြည့်ဆည်းပေးချင်တယ် ပိုင်ဆိုင်ချင်တယ် အဲ့ဒီ့လူကျွန်တော့်ကို ပြန်ချစ်တာကိုလည်း ကျွန်တော်လိုချင်ခဲ့မိပါတယ် အဲ့ဒီလူနဲ့မိသားစုဘဝလေးရချင်တယ် အဲ့ဒါကကျွန်တော်စိတ်ရင်းဆန္ဒအမှန်ပါ

မိန်းမတစ်ယောက်လို တစ်ဖက်သက်ချစ်နေခွင့်ရနေယုံ စောင်စားနေရယုံက ကျွန်တော်ဆန္ဒနဲ့တခြားတဖက်စီမှာပါ ဒါပေမယ့် တနေ့တော့သူငါ့ကိုအသိအမှတ်ပြုမှာပါဆိုတဲ့ မျှော်လင့်ချက်ကြီးနဲ့ ကျွန်တော်အချိန်အကြာကြီး သည်းခံပြီးစောင့်စားခဲ့ဘူးပါတယ်

အဲ့ဒါကြောင့် ကျွန်တော်ဆိုတဲ့မိန်းမတစ်ယောက်ကို ကိုယ်တိုင်ဖွင့်မပြောခဲ့ပေမယ့် ကျွန်တော့်ကိုဘယ်လိုသဘောထားလည်းဆိုတာ ကျွန်တော်သိပါတယ်

ကျွန်တော်ထက်အများကြီး မြင့်မားတဲ့လူတစ်ယောက်ကို အပြစ်တင်မိနေသလိုဖြစ်နေလို့ ဆက်မပြောတော့ပါဘူး ကျွန်တော်ကသူတစ်ပါးကိုအပြစ်တင်ရတာကိုလည်း တကယ်ကိုမုန်းပါတယ် ကျွန်တော်နဲ့မသိကျွမ်းတဲ့ သူတစ်ယောက်ကိုတောင် အပြစ်မတင်တက်ပါဘူး အခုတော့ အပြစ်တင်နေမိတဲ့အတွက် တောင်းပန်ပါတယ်။

ပြန်လာတဲ့အချိန် မတွေ့တော့တာက ကျွန်တော်တို့နှစ်ယောက်စလုံးအတွက် ပိုပြီးကောင်းမယ်ထင်လို့ အခုလိုဖွင့်ပြောပြလိုက်တာပါ 

ကျွန်တော်နဲ့တစ်ခါတည်းတွေ့ခဲ့ရတာဖြစ်တော့ ကျွန်တော့်ကိုအားမနာရတော့ဘူးပေါ့ လူချင်းနောက်တစ်ခေါက်တွေ့ဖြစ်ခဲ့ရင်တောင် ကျွန်တော်ကမိန်းမသားတစ်ယောက်ဖြစ်နေလို့ ယောင်္ကျားသားအနေနဲ့ အားနာနေမိမှာစိုးပါတယ်

ပြန်လာရင်တွေ့ခွင့်ရဖို့အတွက် နှစ်တွေအကြာကြီးကျွန်တော်စောင့်နေခဲ့ရပေမယ့် တကယ်လူချင်းတွေ့ရတော့မယ်အချိန်မှာ ဒီလိုပြောလိုက်လို့ ကျွန်တော်က ကစားနေတယ်လို့ထင်ကောင်းထင်နေမှာပါ

ကျွန်တော်ကအခုခေတ်ကြီးမှာ လူအများစုတန်ဘိုးမထားတော့တဲ့ သစ္စာတရားဆိုတာကို တန်ဘိုးထားတက်တဲ့လူပါ အမှန်တကယ်ကတော့မိန်းမဖြစ်ပြီး တုံးအတာကို ကျွန်တော်ကာကွယ်ပြီးပြောမိတာပါ

လူချင်းတွေ့ရရင်ကျွန်တော့်စိတ်ကပြောင်းသွားနိုင်လို့ပါ ကျွန်တော့်ကိုလျစ်လျှူရှုထားတာတောင် နှစ်အကြာကြီးဖက်တွယ်ထားခဲ့တာဖြစ်လို့ ဒီတစ်ကြိမ်လူချင်းသာတွေ့ခဲ့ရင်လည်း ကျွန်တော်ဆက်ပြီးတော့ဖက်တွယ်မိနေအုန်းမှာပါ အဲ့ဒါကြောင့်ကျွန်တော်မတွေ့တော့ဘူးလို့ ဆုံးဖြတ်ချက်ချလိုက်တာပါ။

အခုလိုပြောမိတဲ့အတွက် တောင်းပန်ပါတယ် ဒါပေမယ့် ကျွန်တော့်ကိုအစကတည်းက မိန်းမတစ်ယောက်အဖြစ် ရင်ထဲမရှိခဲ့တဲ့လူတစ်ယောက်ကို ထပ်ပြီးတော့ ဒုက္ခမပေးချင်တော့သလို့ ကျွန်တော့်ဘာသာလည်း အခုထက်ပိုပြီးတော့စိတ်သောက မပေးချင်တော့လို့ပါ ကျွန်တော်ကျန်ရှိတဲ့ဘဝမှာ အေးအေးချမ်းချမ်းလေးပဲနေချင်ပါတယ်

ရေးချင်တွေတာက အများကြီးရှိပေမယ့် တကယ်တန်းပြောမယ်ဆိုတော့ ထပ်ပြီးမဆက်သွယ်တော့ပါဘူးကလွဲရင် ကျွန်တော်ဘာတစ်ခုမျှသေချာမပြောပြနိုင်ဘူးဖြစ်နေမိတာပါ

စိတ်အနှောက်အယှက်ဖြစ်ရတယ်ဆိုလည်း တောင်းပန်ပါတယ် ၅နှစ်ဆိုတဲ့အချိန်ကာလအတွင်းမှာ ဘာတစ်ခုမျှမလုပ်ပေးနိုင်ခဲ့လို့ ထပ်ပြီးတောင်းပန်ပါရစေ ( အဲ့လိုမလုပ်ပေးနိုင်ခဲ့တဲ့အတွက် အများကြီးသိမ်ငယ်ခဲ့ရသလို တကယ့်ကိုစိတ်အားငယ်ခဲ့ရပါတယ် 

ပြန်လာတဲ့အချိန် ကျွန်တော်နောက်တစ်ခေါက်တွေ့လို့ရမလား မေးခဲ့တဲ့အချိန်က မနက်ဖြန်တောင်မသေချာတာ နောက်ထပ်တွေ့ဖို့လည်းမသေချာဘူး ​လို့ ပြန်ဖြေလိုက်တဲ့အချိန်ထဲက ကျွန်တော်အဆက်အသွယ်မလုပ်ခဲ့ဘဲ နေခဲ့ရမှာပါ 

ဒါပေမယ့်ကျွန်တော့်စိတ်ကို အလိုလိုက်ခဲ့မိပြီးတော့ အခုလိုအချိန်အကြာကြီး ဖက်တွယ်မိခဲ့တာအတွက် ကုန်ဆုံးသွားခဲ့ရတဲ့ အချိန်တွေအတွက် အများကြီးတောင်းပန်ပါတယ်။ )

တကယ်လို့တွေ့ခဲ့ရင်လည်း ကျွန်တော်ကဒီပုံစံအတိုင်းသံသရာလည်နေရအုန်းမှာပါ တစ်လတစ်ခါ sex chat မယ် သုံးလေးနှစ်တစ်ခါ လူချင်းတွေ့ပြီး လင်မယားလိုနေပေးမယ် လူတွေမသိပေမယ့် ကျွန်တော်က လူတွေမသတီတဲ့ဖာသည်မထက်တောင် တန်ဖိုးမရှိတဲ့မိန်းမဖြစ်နေရတာကြီးကို တကယ်ကိုရွံမိပါတယ် 

ကျွန်တော့်ဘာသာမေးမိပါတယ် အချိန်ဒီလောက်အကြာကြီး သည်းခံပြီးစောင်နေခဲ့ပြီးကာမှ နင်ဘာဖြစ်သွားရတာလည်းဆိုတာကိုပါ ကျွန်တော်က sex chet ဖို့ ကိစ္စတစ်ခုကလွဲရင် ကျွန်တော်ဆိုတာ လုံးလုံးမရှိခဲ့တဲ့မိန်းမဖြစ်နေလို့ပါ

၅နှစ်ဆိုတဲ့ အချိန်ကာလအတွင်းမှာ ဖုန်းတစ်ခါတည်း ပြောခဲ့ဘူးတာ

ဓါတ်ပုံလေးပုံပဲ ပို့ပေးခဲ့ဘူးတာ ( လူချင်းတွေ့ပြီးတဲ့အချိန် ကျွန်တော်ဘယ်လောက်ပဲ တောင်းဆိုနေပါစေ ဓါတ်ပုံတစ်ပုံပဲထပ်ပြီး ပို့ပေးခဲ့ဘူးတာပါ ) 

တစ်နှစ်လုံးနေလို့ viber ကနေ voice call, video call မပြောပါနဲ့ ၁၂ရက်ပြည့်အောင်တောင် စာရိုက်ပြီးစကားမပြောခဲ့ဘူးတဲ့နှစ်တွေလည်း အများကြီးပါ 

အဲ့ဒါတွေအကုန်လုံးက ကျွန်တော့်အတွက် အမှတ်တရတွေပါ

တကယ်ကိုအလုပ်များနေလို့ မအားတာဆိုတာကိုလည်း နားလည်ပါတယ် ဒါပေမယ့် တချို့အချိန်တွေမှာ ဖုန်းပြောခွင့်ရတဲ့ voice call, video call ပြောခွင့်ရတဲ့ ဓါတ်ပုံပို့ပေးခံရတဲ့ ရှိတဲ့နေရာတိုင်းကို ပစ္စည်းပို့ပိုင်ခွင့်ရှိတဲ့ မိန်းမတွေကိုတကယ့်ကိုအများကြီးအားကျခဲ့ရပြီး အများကြီးအများကြီး မနာလိုဖြစ်ခဲ့ဘူးပါတယ်

အခုတော့ အဲ့ဒါတွေအကုန်လုံးက သူတို့နဲ့သာထိုက်တန်ပြီး ကျွန်တော်နဲ့လုံးလုံးမျှ မထိုက်တန်ပါဘူးဆိုတဲ့ အမှန်တရားဖြစ်တဲ့ စိတ်ကလေးကိုပဲ နှလုံးသွင်းထားပါတယ်

မတန်မရာတွေကိုနင်က လိုချင်ခဲ့တာကိုဆိုတဲ့ ရင့်ရင့်သီးသီးစကားလုံးကိုလည်း အမှတ်တရအနေနဲ့ ရင်ထဲမှာသိမ်းဆည်းပေးထားပါတယ်။

အလုပ်များနေတဲ့သူကို စာတွေအများကြီးပို့မိနေပါပြီ ထပ်လည်းမရေးတော့ပါဘူး 

ဒီစာကိုဖေဖေါ်ဝါရီလ 19ရက်နေ့မှာ အပြီးသတ်ရေးထားတာပါ 18ရက်နေ့ကစပြီးတော့ ကျွန်တော် (လုံးဝ) သက်ဆိုင်ခြင်းမရှိတော့ပါဘူးဗျာ။

blocked တာကို ကျွန်တော်မကြိုက်တဲ့အတွက် viber ရော telegram ကိုရော ဘာမှမလုပ်ပါဘူး fb ကိုတော့ 19ရက်နေ့ကစပြီးတော့ ကျွန်တော်လည်း account ကို လိုက်ရှာပြီး မ add တော့ပါဘူး တကယ်လို့ may be ပါ လာ add ခဲ့ရင်လည်း ကျွန်တော်လက်မခံတော့ပါဘူး။

ကျွန်တော် မကန်တော့လိုက်ရတာလွဲရင် နောင်တရတာမရှိတော့ပါဘူး။

#19thFebruary2026.

#Thursday

မွေးနေ့။

 

မနက်ဖြန်မွေးနေ့ ဘုရားသွားချင်ပေမယ့် ၂၀ရက်နေ့ညအထိမသွားတော့ဘူးလို့ ဆုံးဖြတ်လိုက်ပါတယ်

လူကအများကြီး အများကြီးအဆင်မပြေနေတာရော နေမကောင်းဖြစ်နေတာရော ခါးနာနေတာရော period ဖြစ်နေတာရော အကုန်လုံးစုပြုံနေတော့ စိတ်ကကြည်ကြည်လင်လင်လေး ဖြစ်မနေပါဘူး

ဒီနေ့မနက်အိပ်ယာနိုးတော့ မနက်ဖြန်ဘုရားသွားဖို့ကို စိတ်စွဲနေလားမသိပါဘူး အိမ်မက်မက်တယ် အိမ်မက်ကိုတော့မမှတ်မိပါဘူး

ဒါနဲ့ပဲ ငါလုပ်ပေးနိုင်တာလေးတော့ လုပ်ပေးပါမယ်ဆိုတဲ့စိတ်ကူးနဲ့ ရေမချိုးခင် မနက်ဖြန်ဝတ်ဖို့အဝတ်အစားကိုကြိုပြင် ဘုရားမှာဆွမ်းကပ်ဖို့အတွက် ခြင်းတောင်းနဲ့ကော်ဖီဘူး၊ထမင်းဘူးတွေကိုဆေးပြီး မှောက်ထား

မနက်ဆွမ်းကပ်ဖို့အတွက် ဘဲဥ (ဘဲဥငံပြာရည်ချက်)၊ ပုဇွန်ခြောက် (လက်ဖက်သုပ်)၊ စပျစ်သီး၊ စတော်ဘယ်ရီသီးကို စျေးမှာ ပြီးတော့မှ ရေချိုးခေါင်းလျှော်ပြီးတော့ ဆိုင်ကိုသွားဖြစ်တယ် အခုရက်ပိုင်း ဆိုင်ကိုတနေ့မှာ ၄နာရီလောက်ပဲထိုင်ပေးနိုင်တော့တယ်

ဘုရားသွားဖို့ကို YBS တဆင့်ထဲရောက်တာက ကျိုက္ကလို့ ကျိုက္ကလဲ့ မယ်လမု စွယ်တော် ကမ္ဘာအေး ရွှေတိဂုံဘုရား တွေအဆင်ပြေပေမယ့် ရွှေတိဂုံကိုပဲသွားချင်နေတယ် မနက်ဖြန်က Sunday ဆိုတော့ ဘုရားမှာလူတအားများတော့ ဘုရားအကြာကြီးရှိခိုးရတာ အဆင်မပြေဘူး

အဲ့ဒါကြောင့်ဗိုလ်တစ်ထောင်ဘုရားကိုပဲ သွားဖို့ရွေးချယ်လိုက်တယ် ကားနှစ်ဆင့်စီးရပေမယ့် လူတအားကြီးမများဘူးထင်လို့ပါ ဘုရားအေးအေးဆေးဆေးရှိခိုးချင်တာဖြစ်လို့ မနက်ဖြန်ရောက်မှပဲ အခြေအနေကိုသိရတော့မှာပါ

post ကတော့ အမှတ်တရအနေနဲ့တင်လိုက်တာပါ 25ရက်နေ့ဆိုရင် တစ်လပြည့်သွားပါပြီ ခင်ဗျားလည်းမဆက်သွယ်ခဲ့သလို ကျွန်တော်လည်းပြန်လာဖို့ကိုမကြိုးစားတော့ပါဘူး တချိန်ချိန်တော့ အရာအားလုံးအဆင်ပြေသွားမှာပါ

မွေးနေ့မှာ စိတ်၏ချမ်းသာခြင်း ကိုယ်၏ကျန်းမာခြင်းနဲ့ပြည့်စုံပါစေ နှလုံးစိတ်ဝမ်းအေးချမ်းပါစေဆိုတဲ့ ဆုတောင်းလေးတစ်ခုသာပဲ ကျွန်တော်ဆုတောင်းပေးပါရစေ။

🙏🙏🙏

#22ndMarch2026.

ဧကဝက်

 

ဘဝမှာသူတစ်ပါးသနားခံရတာ သူတစ်ပါးကဲ့ရဲ့ခံရတာ သေမတက်ကြောက်ခဲ့ပေမယ့် ဒီနေ့နေ့လည်ဘုရားကပြန်လာတော့ Linkedin မှာရော Facebook မှာရော အလုပ်ရှာထားပါတယ်

Feed မှာတက်လာတဲ့ အပေါ်ကမြေကွက်လေးကို ဧကဝက်ခွဲရောင်းပေးခဲ့ရင်တော့ လက်ထဲရှိသမျှရောင်းလို့ရသမျှအကုန်ရောင်းချပြီးရင် ခြံစိုက်ဖို့မြေလေးရပါပြီ ခြံခတ်ဖို့နဲ့တဲထိုးဖို့ လောလောဆယ်သူများစီကနေ ပိုက်ဆံရှာပြီးသွားရင်တော့ အဲ့ဒီ့နေရာမှာခေါင်းချဖို့အတွက် ဆုံးဖြတ်ထားပြီးပါပြီ

ခြံပိုင်ရှင်က သနားစိတ်ဝင်ပြီး ဧကဝက်ခွဲရောင်းပေးပါစေလို့ ဘုရားမှာဆုတောင်းရတော့မှာပါ သူရောင်းတဲ့စျေးကတအားကိုချိုပါတယ် ကျွန်တော်သာပိုက်ဆံမရှိလို့ မဝယ်နိုင်တာပါဗျာ

အခုအချိန်မှာ ဘာဆုတောင်းချင်လည်းမေးလာခဲ့ရင် လူခြေတိတ်တဲ့ဒေသလေးမှာ စိတ်အေးလက်အေးခေါင်းချသွားချင်တာကိုပဲ ဆုတောင်းမိမှာပါဗျာ။

🙏🙏🙏

မွေးနေ့ရက်မြတ်မှစ၍ အေးချမ်းသာယာပါစေ။

မွေးနေ့ရက်မြတ်မှစ၍ အေးချမ်းသာယာပါစေရှင်။

🙏🙏🙏

22ရက်ကို ဘုရားတက်ဖြစ်မတက်ဖြစ်က မသေချာသေးတော့ ဒီနေ့ကိုပဲရွှေတိဂုံဘုရားမှာဆွမ်းကပ်လှူပေးမယ် ဝတ္တူလှူပေးမယ် ပန်း၊ရေချမ်း၊ဆီမီးလှူပေးမယ် ဆွမ်းခံကြွတဲ့သံဃာတော်တွေကို ဆွမ်းနဲ့ဝတ္တူလောင်းလှူပေးမယ်

ဘာမျှမသက်ဆိုင်တော့တဲ့ လူတစ်ယောက်အတွက် ဘာလို့လုပ်ပေးနေတာလည်းမေးရင် ကျွန်တော်လုပ်ပေးချင်တဲ့စိတ်ဆန္ဒရှိတာဖြစ်လို့ပါ အရင်ကလည်း ကျွန်တော်လုပ်ပေးနိုင်တာက ​ဒီတစ်ခုပဲရှိခဲ့လို့ ဘုရားမှာဆွမ်းကပ်ပေးရတာကလည်း ကျွန်တော်စိတ်ချမ်းသာလို့ လုပ်ပေးဖြစ်တာပါ 

မသက်ဆိုင်တော့ဘူးဆိုတာ ကျွန်တော်သိထားပါတယ် ဒါပေမယ့် ခင်ဗျားမွေးနေ့ရောက်တိုင်း ဘုရားတစ်ဆူဆူကိုသွားပြီး ဆွမ်းကပ်ပေးဖို့အတွက်စိတ်ကူးထားပါတယ် အဓိကက ကျွန်တော့်စိတ်လေး အေးချမ်းနေပြီး စိတ်ချမ်းသာရလို့ပါ

အများကြီးဆုမတောင်းတော့ပါဘူး

မြင့်မားသောရာထူးအဆင့်အတန်းဖြင့် အေးချမ်းသောအရပ်ဒေသသို့ အမြန်ဆုံးပြောင်းရွေ့ပြီး တာဝန်ထမ်းဆောင်နိုင်ပါစေ။

မွေးလရောက်တိုင်း မိသားစုနှင့်အတူတကွ အလှူရေစက်လက်နှင့်မကွာ အလှူအတန်းများပြုလုပ်နိုင်ပါစေ။

ရန်သူမျိုးငါးပါးဘေးရန်မှ အစဥ်အမြဲကင်းဝေးလွတ်မြောက်နိုင်ရသူဖြစ်ပါစေ။

🙏🙏🙏

( ဒီ post ကို ၂၈ရက်နေ့ ညနေဘက်က ရေးထားတာပါ။ အရမ်းဝမ်းနည်းနေတဲ့အချိန်မှာ ခင်ဗျားစီစာပို့ချင်ပေမယ့် မပို့တော့ပါဘူး။ )

မျက်ရည်နဲ့ရေးတဲ့နောက်ဆုံးစာ။

 ဒီမိသားစုနဲ့ရေစက်က ဒီညမှာကုန်ဆုံးသွားပါပြီ။

မနက်ဖြန် စီစဥ်ထားတဲ့အတိုင်း မနက်စောစောထပြီး ရွှေတိဂုံဘုရားမှာဆွမ်းကပ်မယ် ဘုရားရှိခိုးမယ် ပုတီးစိပ်မယ် ဘုရားမှာရှိတဲ့ အံဘွယ်ကိုးဆူကိုဖူးမယ် ပြီးရင် အဲ့ဒီအချိန်မှာ စိတ်ကူးတည့်တဲ့နေရာကိုဆက်သွားမယ်

ဘဝမှာ မိဘကိုဒုက္ခပေးခဲ့ဘူးတာဆိုရင်၂၀၀၇ခုနှစ် စင်ကာပူကပြန်လာဖို့ လေယာဥ်လက်မှတ်ဖိုးလွှဲပေးရတာရယ် AHA နဲ့ပြဿနာတက်လို့ ၂၀၁၂ခုနှစ်မှာ ဆေးရုံတက်ရတာရယ် အဲ့ဒီ့နှစ်ခုတည်းဒုက္ခပေးခဲ့ဘူးပါတယ်

အဖေအဆင်မပြေလို့ အိမ်ရောင်းပြီးကျောက်မြောင်းကို​စပြောင်းတော့ ၁၉၉၆ခုနှစ် ၉တန်းကျောင်းသူဘဝ ၁၉၉၇ခုနှစ် ၁၀တန်းကျောင်းသူဘဝမှာလည်း အိမ်ကအဆင်မပြေတော့ ရန်ကင်းစျေးမှာဘဲဥကူရောင်းပေးရတယ် အထက၃တက်ရင်း ညနေဘက်ဖွင့်တဲ့ ဗိုလ်စိန်မှန်လမ်းက ဒေးကျူရှင်ပဲတက်နိုင်တယ် 

သမီးကြီးရဲ့အပျိုဘဝနဲ့ သမီးငယ်ရဲ့အပျိုဘဝ ဖြတ်သန်းရပုံခြင်းမတူညီမှုကတော့ ရုပ်ရှင်ဇာတ်လမ်းတွေထဲကထက် ပိုပြီး Drama ဆန်ပါတယ်ဗျာ

ကျန်တဲ့မောင်နှမနှစ်ယောက် ၁၀တန်းကျောင်းသားကျောင်းသူဘဝမှာ အိမ်ကအဆင်မပြေတဲ့အချိန်တောင် စာသင်ဝိုင်းသီးသန့် ဘော်ဒါဆောင်တွေနဲ့ ဖူးဖူးမှုတ်ခံထားရပေမယ့် ကျွန်တော်ဘာမှအပြစ်မဆိုခဲ့ပါဘူး ငါကအလတ်ဆိုတော့ အဲ့လိုဖြစ်ရတာပါဆိုတဲ့ သိမ်ငယ်စိတ်ပဲရခဲ့ပါတယ် ကျွန်တော့်ဇာတာကိုက အပါယ်ခံဖြစ်နေရတာကို

၁၉၉၈ခုနှစ် ဆယ်တန်းအောင်စာရင်းမထွက်ခင် ဖိနပ်ဆိုင်မှာဝင်လုပ်တယ် တစ်ပတ်ပဲလုပ်ရသေးတယ် ဦးလေးအငယ်က ရွှေဘုံသာစူပါဝမ်းမှာအလုပ်ပြောပေးတော့ အဲ့ဒီမှာပြောင်းလုပ်တော့ တစ်ပတ်စာလခမရလိုက်ပါဘူး

စူပါဝမ်းမှာ ၁၉၉၈ခုနှစ် ကနေ ၂၀၀၁ခုနှစ်  ၂နှစ်ကျော်လုပ်ပြီး သတင်းစာမှာ MK က အလုပ်ကြော်ငြာပါတော့ အင်တာဗျူးအောင်သွားတာနဲ့ ၂၀၀၁ခုနှစ်မှာ ရန်ကင်းစင်တာက MK မှာ အလုပ်ဝင်ဖြစ်တယ် အဲ့ဒီ့ကနေပဲ ဒဂုံတက္ကသိုလ်စတက်ဖြစ်ပါတယ်

MK မှာ ၂၀၀၁ခုနှစ် ကနေ ၃နှစ်လုပ်ပြီးတော့ ၂၀၀၄ခုနှစ်မှာ အလုပ်ထွက်ပြီး ဒူဘိုင်းသွားမယ်ဆိုပြီး ဟိုတယ်သင်တန်းတက်ဖြစ်တယ် ဟိုတယ်တွေမှာ ၁နှစ်ကျော်အလုပ်ဝင်ဖြစ်ပါတယ်

ပြီးတော့ ၂၀၀၅ခုနှစ်မှာ မြန်မာ့အာမခံအလုပ်ဝင်ဖြစ်တယ် အဲ့ကနေ ၂၀၀၇ခုနှစ်မှာ အလုပ်ထွက်ပြီး စင်ကာပူသွားဖြစ်တယ် လပိုင်းလောက်ပါပဲ ၂၀၀၈ခုနှစ်မှာ နာဂစ်အချိန်ကြီးပေါ့ မလေးရှားကိုသွားဖြစ်တယ် ၂၀၀၈ခုနှစ်ကနေ ၂၀၁၂ခုနှစ်အထိ မလေးမှာအလုပ်လုပ်ခဲ့ပါတယ် လင်တရူးပြီးတော့ပြန်လာမိတာပါဗျာ

၂၀၀၄ခုနှစ်ကနေစပြီး အဖေအဆင်ပြေနေပေမယ့် ကျွန်တော်ပြည်ပထွက်လာပါတယ် ရောက်ခါစ၃၊၄လကလွဲရင် အိမ်ကိုအမြဲပိုက်ဆံပို့ပေးတယ် နှစ်သစ်ကူးကျရင် bonus ရတော့ အဲ့ဒီ့အချိန် နှစ်လစာအမြဲပို့ပေးတယ်

ဒါပေမယ့် အဖေအဆင်ပြေနေပြီး တစ်အိမ်လုံးလေပေါ်လွင့်နေတဲ့အချိန်ဆိုတဲ့ ကျွန်တော်ပို့တဲ့ပိုက်ဆံက သူတို့အတွက် လေထဲမှာပဲပျောက်သွားရပါတယ် 

၂၀၁၂ခုနှစ် ဧပြီလကုန် ရန်ကုန်ကိုပြန်လာတယ် SBT မှာ အလုပ်ခဏဝင်တယ် သြဂုတ်လမှာ မင်းမြန်မာမှာ အလုပ်ဝင်ဖြစ်တာ ၂၀၁၂ခုနှစ်ကနေ ၂၀၁၇ခုနှစ်အထိပါ

မင်းမြန်မာကထွက်တော့ ၂၀၁၇ခုနှစ် ဒီဇင်ဘာကစပြီး Rixs မှာ အလုပ်ဝင်ဖြစ်တယ် ၂၀၁၇ခုနှစ်ကနေ ၂၀၂၄ခုနှစ်အထိပါ

ကျွန်တော့်လုပ်အားခတွေ ကျွန်တော်စုထားတဲ့ရွှေတိုရွှေစတွေ အိမ်ကိုအလည်ပြန်လာတိုင်း တစ်ယောက်မကျန်အတွက်ဝယ်လာပေးတက်တဲ့ လက်ဆောင်ပစ္စည်းတွေ အကုန်လုံးက ကျွန်တော့်မိသားစုအတွက်တော့ လေထဲမှာပျောက်သွားရတာပါပဲဗျာ

အမှန်တကယ်က ကျွန်တော်ဆိုတဲ့လူသားတောင် သူတို့အတွက် လေလိုဖြစ်နေတာပါ

ကျွန်တော့်မိဘတွေအတွက် ကျွန်တော်ကသားသမီးမဟုတ်ခဲ့ဘူးထင်ပါတယ် အရင့်အရင်တွေတုန်းကတော့ မတအားကိုနာကျင်ခဲ့ရပေမယ့် အခုတစ်ခေါက်က နောက်ဆုံးအချိန်ဖြစ်လို့နေမှာပါ ကျွန်တော်ငိုနေပေမယ့် မတအားကြီးမနာကျင်တော့ပါဘူး

သားသမီးလိုသဘောမထားတဲ့မိဘကိုလည်း ကျွန်တော်ငရဲမယူတော့ပါဘူး သူတို့သားသမီးမဟုတ်တာ ဖြစ်ကောင်းဖြစ်မှာပါ

ကျွန်တော် online ထီ ၁စောင် အေးငြိမ်းချမ်းသာထီ ၂စောင်ထိုးထားပါတယ် မနက်ဖြန်ထီပေါက်ရင် အိမ်ကိုနောက်ဆုံးအနေနဲ့ အကုန်ပေးခဲ့ပြီးတော့ ကျွန်တော့်ဘဝကြီးကို တစ်ယောက်တည်းဖြတ်သန်းပါတော့မယ်

ဘယ်သူ့ဘယ်သူကိုယ်မျှ စိတ်မနာတော့ပါဘူးဗျာ ဒီလောက်နှစ်​ရှည်လများ အပြောခံနေရတာတောင် ကျွန်တော်ထွက်မသွားဘဲ သူတို့နဲ့နေနေခဲ့မိတာက ကျွန်တော့်အမှားပါဗျာ။

#Thankyou.

#28thFebruary2026.

#Saturday.

Thanks.

 

ခင်ဗျားကို ကျွန်တော် လွှတ်ချလိုက်ပါပြီ။

ကွန်တော့်ကိုဖမ်းဆုပ်မယ်လို့ အစကတည်းက မမျှော်လင့်ထားပါဘူး

ကျွန်တော်မပိုင်ဆိုင်သင့်တဲ့ လူတစ်ယောက်ကို အကြာကြီးဖက်တွယ်မိခဲ့တဲ့အတွက် တောင်းပန်ပါတယ်

cosmos ရေ တနေ့တော့

တနေ့တော့ အရာအားလုံး ကျွန်တော်အဆင်ပြေသွားမှာပါဗျာ။

#25th February 2026.

ခင်။

 

ပိုက်ဆံစုမယ်

နေ့တိုင်းဘုရားရှိခိုးမယ်

စောစောအိပ်မယ်။

အစားကိုအချိန်မှန်စားမယ်

ကျန်းမာရေးဂရုစိုက်မယ်

လှလှပပလေးနေမယ်။

စာတွေရေးမယ်

အပင်တွေစိုက်မယ်

ခရီးတွေသွားမယ်။

ကိုယ်လည်းကျန်းမာမယ်

စိတ်ကလေးလည်းချမ်းသာတယ်

ဘဝဆိုတဲ့ ရေတစ်ပွက်စာအချိန်လေးကို

ကျွန်တော်အလေးထားပါမယ်။

#17thFebruary2026.

#Tuesday🍀

 အခုတလောစိတ်နဲ့လူနဲ့မကပ်တော့ပါဘူး

ဘုရားလည်းမရှိခိုးဖြစ်ဘူး ဘုရားစာလည်းမရွတ်ဖြစ်တော့ပါဘူး တစ်ခုခုဆိုရင်ဒေါသကြီးတာက အရင်ရောက်ရောက်လာပါတယ်

အခုဘာတွေးမိလည်းဆိုရင် လူသူအရောက်အပေါက်နည်းတဲ့ တောတောင်တစ်ခုခုမှာ တစ်ယောက်တည်းနေချင်မိပါတယ်

မနက်စောစောထပြီးနေပူစာလှုံမယ် နေ့လည်စာအတွက်အသီးအနှံရှာမယ် ပြန်လာရင် ဝါးဆစ်ပိုင်းထဲဆန်ထည့်ချက်ပြီး ရှာလာတဲ့အသီးအရွက်တွေနဲ့ ဟင်းတစ်ခွက်ချက်မယ် 

နေ့လည်ဘက်ချောင်းတစ်ခုခုမှာရေချိုးအဝတ်လျှော်မယ် ​ပြီးရင်တဲအိမ်ထဲမှာဘုရားရှိခိုး တရားထိုင်မယ် ညနေစာအတွက်အသီးအနှံရှာမယ် ထမင်းဟင်းချက်မယ် ထမင်းပူပူဟင်းပူပူစားပြီး ဘုရားရှိခိုးတရားထိုင်ပြီးရင် အိပ်ရာဝင်မယ်

ဒါကတလောက Note မှာရေးထားတဲ့ တပိုင်းတစ။

အခုတလော ခန္ဓာကိုယ်အားနည်းနေမှန်းသိရက်နဲ့ မတအားခိုင်းနေမိပါတယ် ညဘက်ဆိုင်​သိမ်းပြီးတဲ့အခါတိုင်း လမ်းထိပ်ဘုံဘိုင်ကနေရေနှစ်ပုံးဆွဲပြီး တစ်ဆိုင်လုံးကိုရေလောင်းမိပါတယ် ဘောင်းဘီတစ်ခုလုံးရေစိုသွားမှ အိမ်ကိုပြန်ဖြစ်တယ်

ဒီနေ့လည်း အားနည်းနေမှန်းသိရက်နဲ့ ဆိုင်မှာအလုပ်လုပ်ပေးတဲ့ကလေးတွေနဲ့ကူပြီး မြေကြီးတွေကူကြုံးပေးတယ် ဘိလပ်မြေဖျော်ဖို့ရေကူခပ်ပေးတယ် အကုန်လုံးပြီးတော့ ​ခဲတွေသယ်ပေးပြီး ဆိုင်အနောက်ကအိမ်ကနေရေပုံးဆွဲပြီး တစ်ဆိုင်လုံးရော သူတို့အိမ်ရှေ့ရောပါ ရေလောင်းပေးမိပါတယ်

စိတ်အားနည်းနေတဲ့အချိန်မှာ လူ့ခန္ဓာကိုယ်ကျန်းမာအောင်နေသင့်တာကိုသိရက်သားနဲ့ မတအားကိုယ်ခိုင်းမိပါတယ် တနေ့တခြားကျလာတဲ့ခန္ဓာကိုယ်အလေးချိန်ကို အလေးမထားဘဲ နှိပ်စက်နေမိပါတယ်

အိပ်တော့မယ်ဗျာ။

မနက်ကျရင် အဖြေကိုစောင့်ပြီး ကျွန်တော့်အတွက် သေချာတဲ့ဆုံးဖြတ်ချက်ကို ချရပါတော့မယ်

ရင့်ကျက်တယ်ဆိုတာ လူကြီးဆန်ပေးရမှာ မဟုတ်ပါဘူး ကျွန်တော်လက်မခံချင်တဲ့ အကြောင်းအရာတစ်ခုကို တည်တည်ညိမ်ညိမ် လက်ခံပေးလိုက်တာက ရင့်ကျက်သွားတာပါဗျာ။

မနေ့ညက စာတွေရေးမိပေမယ့် ဒီနေ့မနက်မှာ အကုန်လုံးကိုလက်ခံပေးလိုက်ပါတယ် ကျွန်တော့်ကိုအဖြေပြန်မပေးပေမယ့် အဲ့ဒီ့အဖြေကို No လို့ပဲ ကျွန်တော်လက်ခံထားလိုက်ပါတယ်

အရာရာဟာ ကျွန်တော်တစ်ယောက် ကောင်းမွန်ဖို့အတွက် ဖြစ်လာတာလို့သာ ကောင်းတဲ့ဘက်ကနေ မှတ်ယူထားပါတယ်။

🙏🙏🙏

ဒီနေ့ညလည်း အမှတ်မရှိဘူးလို့ယူဆနေမယ်လို့ထင်ပေမယ့် နောက်ဆုံးအနေနဲ့မေးကြည့်မိပါတယ် ပြန်မဖြေပေးလို့ ကျွန်တော်ပြန်ဖျက်လိုက်ပါတယ်။

ဒါပါပဲဗျာ။

Shayne Ward - No Promises (Video)

ချစ်တယ်

အဲ့ဒီလူအတွက်သာဆိုရင် 

ကျွန်တော်ငရဲသွားရမယ်ဆိုလည်း 

မကြောက်တော့ပါဘူးဗျာ

ပန်းတွေပွင့်တဲ့ရာသီ။

🌼

Ko Ko, i love you so much.

#2ndFebruary2026.

ပေါက်စ

အဲ့လိုဝတုတ်ကလေးကနေ ဆုံးသွားတဲ့နေ့မှာ

သေးသေးလေးပဲကျန်ရှာတော့တာ

အကျီအသစ်လေးဝတ်ပေးတော့ သဘောကျနေတာ

ဓါတ်ပုံရိုက်မယ်ဆိုတော့ post ပေးနေတာ

သားလေးရေ အမျှ အမျှ အမျှ 

ကောင်းရာမွန်ရာဘုံဘဝသို့ ရောက်နိုင်ပါစေ

အင်္ကျီသိပ်ကြိုက်တဲ့ကောင်လေး

အင်္ကျီအသစ်လေး၂ထည်တောင် သူ့ခမျာ မဝတ်သွားရရှာဘူး

သူ့ခေါင်းကို အမြင့်ပေါ်တင်ထားမှ နှစ်နှစ်ခြိုက်ခြိုက် အိပ်ပျော်တက်တဲ့ကလေး

သူ့အမေဓမ္မာရုံအောက်ကနေ ခေါ်ထုတ်လာလို့ 

ပထမဆုံးမြင်ဘူးတဲ့နေ့ ပေါက်စခြေထောက်လေးတွေက ဖွေးဖွေးဖြူလေးတွေ

ဖိုးသက်ရှည်လေးဘေးရောဂါစင်သွားပြီ ထင်ခဲ့မိတာပါ

သားလေးရယ် အခုထိမျက်ရည်​ကျနေတုန်းပါ

ပြစ်လိုက်ရတော့မယ်ဆိုတာသိပေမယ့်

သူ့ကိုပြန်ရနိုင်အုန်းမလား မျှော်လင့်မိနေတာပါ

လမ်းဘေးခွေးလေးဆိုပေမယ့် လူကိုတအားခင်ပြီး ဥာဏ်ကောင်းတဲ့ကလေး

တစ်ညလုံးသူ့အဖေတွေသူ့အမေတွေနဲ့ ​ရပ်ကွက်မှာမွှေပြီး ဆိုင်ဖွင့်ပြီဆိုတာနဲ့ အမြီးလေးနံပြီး ဆိုင်မှာတနေကုန်အတူတူနေပေးတဲ့ကလေး

အိပ်ပျော်နေတဲ့အချိန် အိမ်မက်ဆိုးတွေမက်နေလို့ ပေါက်စရေလို့ နှစ်ခွန်းလောက်ခေါ်လိုက်တာနဲ့ နိုးလာပြီးမျက်နှာချိုလေးနဲ့ ကျေးဇူးတင်ကြောင်းပြတဲ့ကလေး

သူ့ကိုတယုတယနဲ့ဂရုစိုက်ပေးရင် တအားကိုကျေနပ်နေတဲ့ကလေး

၁၂လပိုင်းအကုန်မှာ အတော်လေးနေမကောင်းဖြစ်လို့ ပြစ်လိုက်ရပြီထင်ပြီး ဆေးခန်းသုံးရက်ဆက်တိုက်ပြပေးလိုက်တာ နေကောင်းသွားလို့ ငါ့သားလေးဖိုးသက်ရှည်လေးပါလို့ တဖွဖွပြောခဲ့တာတောင်

အသက်မရှည်ဘဲ လူတွေကြောက်တဲ့ရောဂါနဲ့တမလွန်ကို သွားလိုက်ရတဲ့ကလေး 

မမကတော့ပြောရှာပါတယ် နင်မသိတဲ့အချိန်မှာ လူတွေရိုက်သတ်လို့သေသွားရတာထက်စာရင် အခုလိုမျိုးဝေဒနာကိုအကြာကြီးမခံစားရဘဲ သက်တောင့်သက်သာသေသွားရတာက ပိုမကောင်းဘူးလားတဲ့

လူတွေကိုသိပ်ခင်တွယ်တက်တဲ့ကလေးကို လူမုန်းမများခင် ဘဝကူးပေးလိုက်ရတာ ပိုကောင်းပါတယ်

သားလေးရေ ဒီနေ့ပြုပေးတဲ့ကုသိုလ်ကောင်းမှုတွေကြောင့် ကောင်းရာမွန်ရာဘဝကိုရောက်ရှိနိုင်ပါစေ။

😭😭

#ပေါက်စ

#31.01.2026

နေလည်က ပေါက်စအကြောင်းရေးပြီးတော့ ခဏအိပ်ပျော်သွားတယ် လူကနိုးတဝက်အိပ်တဝက်ဖြစ်နေပြီး ပေါက်စနေမကောင်းမဖြစ်ခင်ကပုံလေးနဲ့ အခန်းထဲကိုဖွဖွလေးဝင်လာတာတွေ့လိုက်တယ် 

သားလေးအတွက်ကောင်းမှုကုသိုလ်တွေ လုပ်ပေးထားလို့ အမျှခေါ်ပါသားလေးရေလို့ ပြောမိလိုက်တယ် ကလေးကအိပ်ခန်းထဲကနေ ဖွဖွလေးပြန်ထွက်သားတယ် 

ဘုန်းဘုန်းဆုတောင်းပေးတာကြောင့် ကောင်းရာမွန်ရာဘုံဘဝကိုရောက်မယ်လို့ ယုံကြည်မိပါတယ် သားလေးရယ်။

🙏🙏🙏