အလုပ်ပြန်ဆင်းရတဲ့အတွက် ကျွန်တော်အတွက်အားသာချက်တွေ အများကြီးရှိပါတယ်ခင်ဗျာ။
အလုပ်အသွားအပြန်အချိန် ၂နာရီကျော်ဘုရားစာရွတ်ဖြစ်ပါတယ် အိမ်မှာနေရင် ညဘက်အိပ်ချိန်တရားနာတာကလွဲရင် ဘုရားစာမရွတ်ဖြစ်တာ အတော်ကြာပါပြီ တပတ်ကို၆ရက်အလုပ်တက်ရတော့ စနေနေ့ကလွဲရင် တပတ်မှာအနည်းဆုံး ၁၂နာရီ ကျွန်တော် အကုသိုလ်ကင်းနေတယ်ပေါ့ဗျာ
အလုပ်အချိန်အတွင်းမှာ ဖုန်းသုံးတက်တဲ့အကျင့်မရှိတော့ Internet မသုံးဖြစ်တော့ ခင်ဗျား Account ကို လည်းဝင်မကြည်ဖြစ်ပါဘူး အနားယူတဲ့အချိန်မှာတခြားသူတွေနဲ့သာယာနေခဲ့ရင်လည်း
အဲ့ဒီအမျိုးသမီးကိုဘယ်သူဆိုတဲ့သိချင်စိတ်နဲ့ အရင်လိုတကူးတကကြီးလိုက်မကြည့်ဖြစ်တော့ဘူးဗျာ မကြည့်ဖြစ်တော့ ငါထက်အများကြီးပြည့်စုံပါလားဆိုတဲ့စိတ်ကြောင့်ဖြစ်ပေါ်လာတဲ့ သိမ်ငယ်စိတ်လည်းမရတော့သလို ငါ့ကျတော့ခွေးစားစားကျီးထိုးထိုး ပြစ်ထားပြီး သူ့ကျတော့အရေးတယူရှိပါလားဆိုတဲ့ မနာလိုစိတ်လည်းမဖြစ်ရတော့ နှစ်ခုလုံးအတွက်စိတ်သောကလည်းမရောက်ရတော့ဘူးပေါ့ဗျာ
အဲ့လိုပူလောင်မှုတွေ တခဏအေးချမ်းရတဲ့အတွက် အလုပ်ချိန်တနေ့၉နာရီမှာ ခင်ဗျားနဲ့ပတ်သက်ပြီးတစ်ဖက်သက်ဖြစ်နေရတဲ့ သောကတွေမရှာဖွေမိတော့ ကျွန်တော်စိတ်ကလေး တကယ်ကိုအေးချမ်းရပါတယ်
( တစ်ခါတလေ မနက်အိပ်ယာထတဲ့အချိန်ဝင်ကြည့်လို့ ခင်ဗျားဘာမှမတင်ထားရင်စိတ်ပူမိပါတယ် အဲ့ဒါကြောင့်ကျောင်းရောက်တဲ့အချိန် ခဏဝင်ကြည့်မိလို့ Online ဖြစ်နေတာဖြစ်ဖြစ် သုံးသွားတာမကြာသေးရင်ဖြစ်ဖြစ် ကျွန်တော်စိတ်အေးရပါတယ် အဲ့ဒီတစ်ခုကိုတော့ ကျွန်တော်စိတ်ချမ်းသာစေဖို့အတွက်ခွင့်ပြုပေးထားပါတယ် မတအားကြီးကျွန်တော့်ဘာသာ ထိန်းချုပ်မထားပါဘူးဗျာ )
ညဘက်အိမ်ပြန်ရောက်လည်း ဆိုင်ကူသိမ်းပေးပြီးရင် ခုံတွေဆေးပေးပြီးတာနဲ့ ညစာစားဖြစ်တယ် ပြီးတာနဲ့မနက်အလုပ်သွားဖို့ပြင်ဆင်ရတာနဲ့ Internet ကို တနေ့ကို၁နာရီလောက်ပဲသုံးဖြစ်နေတော့ Blog လည်းညဘက်မှာ မရေးအားပါဘူး Viber လည်းခဏပဲဝင်ဖြစ်တယ် Fb လည်းအကြာကြီးမသုံးဖြစ်တော့ တပတ်လုံးမှာ Internet သုံးဖြစ်ချိန်ကတော်တော်လေးနည်းသွားရတော့ ခင်ဗျားကိုတစ်ဖက်သက်ဖက်တွယ်နေမိတဲ့စိတ်ကလေးလည်း တဖြေးဖြေလျော့ပါးသွားတယ်လို့ထင်မိပါတယ်
ထိတွေ့မှုရှိတဲ့နေ့တွေ ရာသီဥတုပြင်းထန်တဲ့နေ့တွေမှာ အရင်လိုစိုးရိမ်စိတ်ကရှိနေသေးပေမယ့် စာမပို့ဖြစ်တော့ပါဘူး မဟာသမယသုတ်ဖွင့်ပြီးအဆင်ပြေမှာပါဆိုတဲ့စိတ်ကလေးကိုပဲ နှလုံးသွင်းထားလိုက်ပါတယ် တစ်ခါတလေအရမ်းစိတ်ပူကာမှ တရားတော်တွေ post တင်မိပါတယ်
မေဘီပေါ့ဗျာ အချိန်ကာလတစ်ခုရောက်ခဲ့ရင်တော့ ကျွန်တော်လွှတ်ချလိုက်နိုင်တာ တကယ်ဟုတ်မဟုတ်ဆိုတဲ့အဖြေကို သိနိုင်မှာပါဗျာ ဘုရားရှိခိုးတိုင်းမေတ္တာပို့ပေးတဲ့အကျင့်ကိုတော့ ကျွန်တော်အမြဲတမ်းလုပ်ပေးဖြစ်မှာပါ မသက်ဆိုင်တော့ဘူးဆိုပေမယ့် ချစ်ခင်မြတ်နိုးခဲ့ဘူးတဲ့လူတစ်ယောက်အတွက် တဏှာမပါတဲ့အဖြူသက်သက်မေတ္တာတရားနဲ့ပါဗျာ
အလုပ်ရှိတော့ အပြည့်အဝတန်ရာတန်ကြေးမဟုတ်ပေမယ့် ကျွန်တော်ပေးလိုက်ရတဲ့အချိန်ရဲ့တဝက်တန်ကြေးရှိတဲ့ ငွေကြေးကိုရရှိတဲ့အတွက် ( အရင်အလုပ်ကနေစိတ်အလိုလိုက်ပြီး မိုက်မိုက်မဲမဲထွက်လာခဲ့မိတာကိုလည်း အခုအချိန်မှာနောင်တရမိပါတယ် ) အိမ်ကနေကျွန်တော့်အတွက်ကုန်ကျစရိတ် တစိတ်တပိုင်းကိုသက်သာစေပါတယ် ဒီအသက်အရွယ်ကြီးရောက်မှ မိဘစီကနေလက်ဖြန့်တောင်းနေရတာက မဖြစ်သင့်ဘူးလေဗျာ ကျွန်တော်လည်းရှက်မိပါတယ်
အလုပ်မများတဲ့အချိန်မှာ စိတ်ကူးရသလိုစာတွေပြန်ရေးဖြစ်တော့ ကျွန်တော်ပိုပြီးအေးချမ်းရပါတယ် မရည်ရွယ်ထားပဲနဲ့ကျွန်တော့်အပိုင်ကမ္ဘာထဲကို တဖြေးဖြေးနဲ့ပြန်ရောက်သွားရတာပါ
အဓိကကတော့ အလုပ်ရှိတဲ့ဆိုတဲ့အသိစိတ်ကြောင့် ငွေကြေးအတိုင်းအတာအားဖြင့် ဖူလုံနိုင်ခြင်းမရှိပေမယ့် ကျွန်တော့်သိမ်ငယ်စိတ်ကို အတော်လေးကိုလျော့ပါးသွားစေနိုင်ပါတယ် သိမ်ငယ်စိတ်နည်းပါးသွားလို့ ကျန်းမာရေးလည်းအရင်လိုမထိခိုက်တော့ဘူးပေါ့ဗျာ ကျန်းမာရေးမကောင်းမဖြစ်တော့ အိမ်ကနေလည်းကျွန်တော့်အတွက် ငွေကြေးကုန်ကျမှုလည်းလျော့ပါးသွားရတာပေါ့ဗျာ
အဲ့ဒါကြောင် အလုပ်ရဖို့အတွက်အကူအညီပေးခဲ့တဲ့ ရတီ့ဆရာမခင်မျိုးလှိုင် အလုပ်ရရှိဖို့အကူအညီပေးခဲ့တဲ့လူချင်းမမြင်ဖူးမတွေ့ဘူးခဲ့တဲ့ ဆရာမကြီးဒေါ်သန်းသန်းဝင်း အလုပ်ခန့်ထားပေးတဲ့ A4 School ပိုင်ရှင်ဆရာမကြီးဒေါ်ညွှန့်ညွှန့်စန်းတို့ကို စိတ်ရင်းနဲ့တကယ်ကိုကျေးဇူးတင်ရှိရပါတယ်။
၁၆ရက်နေ့ကျောင်းပြန်တက်ပြီး ၂၀ရက်နေ့ထဲက ဒီ post ကို စရေးဖြစ်တာပါ စိတ်ကူးရတိုင်းနည်းနည်းစီ ဖြည့်ရေးဖြစ်ပါတယ် ၆၁ရက်ပြည့်တဲ့နေ့ကျမှ တင်ဖြစ်တာပါ အချိန်ဆိုတာအကောင်းဆုံးသမားတော်လို့ ကျွန်တော်ခံယူထားတာဖြစ်လို့ အချိန်ကကုစားပေးနိုင်မယ်ဆိုတာကို ယုံကြည်ထားပါတယ်ဗျာ။
Many Thanks,
Khin.
.JPG)
