ခလုပ်ထိမှ အမိတတဲ့ ကျွန်တော်လည်းဒီစကားပုံအတိုင်းပါပဲ အခုကြမှပိုက်ဆံကိုမစုခဲ့မိတာကို နောင်တအကြီးကြီးရနေမိပါတယ်..
ကျွန်တော်ချစ်တဲ့သူတွေအကုန်လုံးကို လူပင်ပန်းစိတ်ပင်ပန်းမဖြစ်စေရပဲ အဆင်ပြေစေချင်တာက ကျွန်တော့်မျှော်လင့်ချက်ပါ ကျွန်တော့်လိုအင်ဆန္ဒပါ အရာအားလုံးကိုအဆင်ပြေစေချင်တယ် မခက်ခဲစေချင်ဘူး
အဲ့ဒီ့လူတွေအကုန်လုံးကို လူအားငွေအားနဲ့ကူညီပေးချင်တယ် ဒါပေမယ့်လည်း ကျွန်တော်စုဆောင်းမှုကိုမနှစ်ကအထိ သေသေချာချာမလုပ်ခဲ့မိပါဘူး ဇီးရိုးဆက်တင်ဖြစ်သွားတဲ့အချိန်ကြမှ ကျွန်တော်တစ်ယောက်မူးစုပဲစုစပြီးလုပ်မိတာပါဗျာ
အခုဘာကိုနောင်တရမိနေတာလည်းဆိုရင် အခုလိုမျိုးအိမ်ကနေ တစ်လတစ်သိန်းနီးပါးမုန့်ဖိုးပေးနေသလိုမျိုးသာ ကျွန်တော်အဆင်ပြေခဲ့စဥ်အခါက ပိုက်ဆံကိုချွေတာပြီးသုံးခဲ့ရင် စုဆောင်းမှုကိုသာတိတိပပလုပ်ခဲ့ရင် အခုလိုစိတ်မကောင်းဖြစ်နေရမှာ မဟုတ်ပါဘူးဗျာ
အများကြီးမဟုတ်ပါဘူး ၂၀၂၁ နှစ်လည်ကနေ ၂၀၂၃ နှစ်ကုန်အထိ တစ်လနှစ်သိန်းစုခဲ့မိရင်တောင် သိန်း၆၀ဆိုတဲ့ပိုက်ဆံ ကျွန်တော့်လက်ထဲမှာရှိနေမှာပါ
အဲ့ဒီပမာဏက ကျွန်တော်ဖြည့်ဆည်းပေးချင်တဲ့အရာအတွက် အရာမရောက်နိုင်ပေမယ့် အရာထင်မယ်လို့တော့ ကျွန်တော်ထင်မိပါတယ်
ခင်ဗျားပင်ပန်းနေတာကို သိရတော့စိတ်မကောင်းဖြစ်ရတယ် ဘာမျှမလုပ်ပေးနိုင်တော့ ပိုပြီးဝမ်းနည်းမိပြန်တယ် အုတ်တစ်ချပ်မဖြစ်နိုင်ရင်တောင် သဲတစ်ပွင့်ဖြစ်ဖို့က ကျွန်တော့်ဆန္ဒပါ သဲတစ်ပွင့်တောင်မဖြစ်ခဲ့ရလို့ တကယ်ကိုတောင်းပန်ပါတယ်
နောင်တရနေမယ့်အစား နောက်နောင်မှာ သဲတစ်ပွင့်ဖြစ်ပေးနိုင်ဖို့အတွက် ကျွန်တော်လိမ္မာရတော့မယ်။
No comments:
Post a Comment