လှချင်တိုင်းလှနေတဲ့ တိမ်တွေအုံ့ဆိုင်းနေတဲ့အရပ်မှာ ချစ်ရသောသူတစ်ယောက် ကြမ်းတမ်းလှတဲ့ရာသီဥတုဒဏ်ကို အံတုနေရတာကိုသိခဲ့ရတော့ ကျွန်တော့်အတွက် တိမ်တွေကမလှတော့ပါဘူးဗျာ..
တအားကိုကြမ်းတမ်းခက်ခဲတဲ့ အခုလိုရာသီမျိုးများ နွေးနွေးထွေးထွေးသက်သက်သာသာ ရှိစေချင်ခဲ့မိတာကျွန်တော်ဆန္ဒအမှန်ပါ
ပြည်တော်မပြန်နိုင်တဲ့မင်းခယောင်္ကျားတစ်ယောက်အတွက် ကြီးလေးတဲ့တာဝန်ကိုထမ်းဆောင်နေရတာ အချိန်ကြာလွန်းလှတော့ တချို့လူတွေကိုမျက်မုန်းကျိုးမိပါတယ်
သူ့ကြမှဒီလောက်ကာလရှည်ကြာကြီး ကြီးလေးတဲ့တာဝန်ထမ်းဆောင်နေရတော့ ကျွန်တော်လည်းစိတ်မလုံမိသလိုခံစားရပါတယ်
ကျွန်တော်သာစုဆောင်းမှုရှိခဲ့တဲ့ မိန်းမတစ်ယောက်သာဖြစ်ခဲ့ရင် ခင်ဗျားတစ်ယောက်ဒီလိုတွေ ပင်ပန်းနေရမှာမဟုတ်ပါဘူးဗျာ လူဆိုတာနောင်ကျမှနောင်တရကြတာတဲ့ ဟုတ်သဗျ အခုကျမှအချိန်လွန်နောင်တတွေက ကျွန်တော်ကိုနာကျင်စေရပါတယ်
အများကြီးလွမ်းတယ်
အိပ်ရေးမမက်တဲ့သူဖြစ်ပေမယ့် အိပ်ရေးဝဝအိပ်စေချင်တယ် အစားအသောက်ဂျီးမများတဲ့သူဆိုပေမယ့် ကျကျနနလေးစားသောက်စေချင်တယ် အပင်ပန်းဆင်းရဲခံနိုင်တဲ့ယောင်္ကျားဆိုတာ သိပေမယ့်လည်း သက်တောင့်သက်သာဘဝမျိုးမှာပဲ နေစေချင်ပါတယ်
ဟူး အများကြီး အများကြီးဗျာ ကျွန်တော်မလုပ်ပေးနိုင်တဲ့ကိစ္စရပ်တွေက အများကြီးပါပဲလားဗျာ
၂၇ရက်နေ့အဘိုးကုစီရောက်ရင် ခင်ဗျားကိုယ်စား ဆုတောင်းတစ်ခုပဲတောင်းခဲ့မှာပါ မြင့်မားတဲ့ဘဝမှာစိတ်အေးချမ်းသာစွာ နေထိုင်ပါရစေဆိုတဲ့ ဆုကိုပဲတောင်းခဲ့ပေးမှာပါ
ဆင်သွားရင်လမ်းဖြစ်တဲ့သူတစ်ယောက်ဖြစ်လို့ ကြံစည်လုပ်ဆောင်သမျှ အစစအရာရာအကုန်လုံး အဆင်ပြေချောမွေ့အောင်မြင်မယ်ဆိုတာ တကယ်ကိုယုံကြည်ထားပါတယ်ဗျာ။
🙏🙏🙏
အလုပ်ပင်ပန်းနေရလို့ ဂျီမကျရက်ပါဘူးပြောခဲ့ပြီးတော့ Fb account ပျောက်သွားလို့ သွားပြောမိပြန်ပါပြီ။
🥺
No comments:
Post a Comment