စိတ်ပူတယ်
အဲ့ဒီ့စကားလုံးကို ခင်ဗျားလုံးဝ လုံးဝ မကြိုက်လို့ကျွန်တော်သုံးနှုန်းမှာမဟုတ်ပါဘူး ဒါပေမယ့် အစစအရာရာ အကုန်လုံးကို ဂရုစိုက်ပေးပါနော်
ခင်ဗျားကိုတည်ညိမ်အေးချမ်းတဲ့ အရပ်ဒေသမျိုးမှာ အပင်အပန်းအဆင်းအရဲမရှိဘဲ သက်တောင့်သက်သာလေး နေစေချင်ပါတယ် ကျွန်တော်မလုပ်ပေးနိုင်တဲ့ ကိစ္စကြီးဖြစ်နေတော့ တကယ်ကိုဝမ်းနည်းမိပါတယ်
အခုလိုအချိန်အခါမျိုးမှာ ပိုပြီးဝမ်းနည်းရတယ်ဗျ ကျွန်တော်ကျတော့ မိုးလုံလေလုံအိမ်မှာ သက်တောင့်သက်သာနွေးနွေးထွေးထွေး အိပ်စက်နေရပြီး ကောင်းကောင်းမွန်မွန် နေထိုင်စားသောက်နေနေရပြီး
ခင်ဗျားကျတော့ ကြမ်းတမ်းလှတဲ့ရာသီဥတုမျိုးမှာ ကောင်းကောင်းမွန်မွန်မပြောပါနဲ့ ထမင်းဖြစ်ပြီးရောဘုရားစူးဟင်းမျိုးနဲ့ စားနေရတာ အေးလွန်းလို့စောင်မကယ်နိုင်လို့မီးဖိုနေရတဲ့နေရာမျိုးမှာ မြေကြီးကိုမွေ့ယာလုပ်ပြီး အအေးဒဏ်ကိုအဖော်ပြုပြီး အိပ်စက်နေရတာ
ကျွန်တော့်အတွက်တော့ တကယ်ကိုလိပ်ပြာမလုံဘူးဗျာ ၂၀၂၃ခုနှစ်ကသာ ကျွန်တော်အကူအညီပေးနိုင်ခဲ့ရင် အခုလိုမျိုးမဟုတ်ဘဲ တည်ငြိမ်အေးချမ်းတဲ့အရပ်ဒေသမျိုးမဟုတ်ရင်တောင် အခုလိုပင်ပန်းဆင်းရဲတဲ့အရပ်ဒေသမဟုတ်ဘဲ တခြားဒေသမှာ တာဝန်ထမ်းဆောင်နေရမှာပါ
ဟူး အများကြီး စိတ်မကောင်းဖြစ်ရတယ် ဝမ်းနည်းမိပါတယ် ချစ်လှပါချီရဲ့ ကြိုက်လှပါချီရဲ့ တဖွဖွအော်နေပြီးတော့ အရာရောက်အောင် ဘာတစ်ခုမျှမလုပ်ပေးနိုင်ကြီးက ကျွန်တော့်ကိုစိတ်ဖိစီးစေတယ် အားငယ်မိစေတယ် စိတ်ရှုပ်စေတယ်
အများကြီးမဟုတ်ပါဘူးဗျာ ခင်ဗျားကို တစ်ခုခုအကူအညီပေးနိုင်ခဲ့ရင်တောင် ကျွန်တော်ကျေနပ်မှာပါ တစ်ခုခုအမြန်ဆုံး အကူအညီပေးနိုင်ပါစေလို့ပဲ ဘုရားမှာဆုတောင်းရပါတော့မယ်
မြင်မားသောရာထူးအဆင့်အတန်းနဲ့ တည်ငြိမ်အေးချမ်းသောအရပ်ဒေသသို့ အမြန်ဆုံးပြောင်းရွေ့တာဝန်ထမ်းဆောင်ရပါသေလို့ ကျွန်တော်စိတ်ရင်းနဲ့ ဆုတောင်းပ်တယ်ဗျာ
ကျွန်တော် တောင်းတဲ့ဆု တစ်လုံးတဝပြည့်စုံရပါစေခင်ဗျာ။
🙏🙏🙏
No comments:
Post a Comment