ချစ်သော

 

၂၀၂၅ခုနှစ်ကိုဘုရားရှိခိုးပြီးဖြတ်သန်းမယ်လို့ ကျွန်တော်စိတ်ကူးထားတာပါ ဒါပေမယ့်လည်း ချစ်သောသူနဲ့ဖြတ်သန်းရလို့ တကယ်ကိုတကယ်ကို ကြည်နူးရပါတယ်..

အလုပ်များနေတဲ့သူဖြစ်လို့ ၃၁ရက်နေ့မှာလည်း စကားမပြောဖြစ်ဘူးလို့ ကျွန်တော်ထင်ထားခဲ့မိတာပါ ဆိုင်သိမ်းတာနောက်ကျတော့ အိမ်ကို၉နာရီခွဲလောက်မှ ပြန်ရောက်တယ်

အိမ်ရောက်ပြီး line ဖွင့်တော့ အပြင်သွားတယ်ထင်ပြီးစာပို့ထားတော့ ရေငတ်တုန်းရေတွင်းထဲပြုတ်ကျသွားသလိုပါပဲ ကျွန်တော်ဘယ်လောက်များ ခင်ဗျားကိုဖက်တွယ်နေမိလည်းဆိုတာကို ခင်ဗျားမသိပါဘူးဗျာ

၃၆၅ရက်မှာစကားပြောရက်က လက်ချိုးရေတွက်လို့ရပါတယ်ဆိုမှ သားလေးပြန်လာရင်တီလေးတို့ကန်သာယာသွားကြမယ်ပြောထားမိလို့ ဘသားချောနှစ်ယောက်က သာယာနေတဲ့ကျွန်တော့်ဘဝကြီးကို ကိုယ်ချင်းမစာကြဘူးဗျာ

အဲ့ဒါနဲ့ည၁၀နာရီကျော်ကြီး အိမ်နေရင်းအောက်ဖစ်နဲ့ ဒင်းတို့နှစ်ယောက်နောက်ကို မကြောက်မလန့်ဖုန်းစခရင်ကိုပဲ သည်းသည်းမဲမဲကြည့်ပြီးလိုက်လာမိတာ 

စကားပြောရဖို့အခွင့်အရေးက ကျွန်တော့်အတွက်ထီပေါက်သလိုဖြစ်နေရတော့ စာလေးတစ်လုံးတောင် မမြင်လိုက်ရမှာကို စိုးရိမ်မိတယ်လေဗျာ 

နေ့လည်နေ့ခင်းအပြင်သွားရင်တောင် အန္တရာယ်ပြုခံရမှာစိုးလို့ ဖုန်းကိုအိတ်ထဲအမြဲထည့်သွားတက်တဲ့ကောင်က ည၁၀နာရီကျော်လူမရှိတော့တဲ့လမ်းမကြီးမှာ ဖုန်းသုံးနေတာက မိုက်ရူးရဲဆန်တယ်ပြောရင်လည်း ကျွန်တော်လက်ခံပါတယ်ဗျာ

အပြင်သွားမယ်လို့ ကျွန်တော်ဘာလို့မပြောတာလည်းဆိုရင် တခဏလေးသာစကားပြောရမယ့် အခွင့်အရေးကို မဆုံးရှုံးစေချင်လို့ပါ ခင်ဗျားနဲ့စကားပြောရဖို့ကို ကျွန်တော်ဘယ်လောက်များ မျှော်လင့်နေရလည်းဆိုတာကိုလည်း ခင်ဗျားမသိခဲ့ပါဘူးဗျာ

ချစ်တယ်

တဏှာနဲ့ပဲချည်နှောင်ထားပါစေ မေတ္တာနဲ့ပဲချည်နှောင်ထားပါစေ ယုတ်အစွဆုံးကာမနဲ့ပဲချည်နှောင်ထားပါစေ ခင်ဗျားကိုတော့ ဒီနေ့ဒီအချိန်အထိ ကျွန်တော်ဖက်တွယ်နေမိတုန်းပါပဲဗျာ

ကျွန်တော်ခင်ဗျားကို အဲ့လောက်ကြီးဖက်တွယ်မိနေတာကို မကြိုက်ဘူးဗျ ဒါပေမယ့်ကျွန်တော်ရပ်တန့်ဖို့ နောက်တစ်ကြိမ်မကြိုးစားတော့ပါဘူး

ခင်ဗျားကိုဖက်တွယ်နေရတာ တအားကိုပင်ပန်းလွန်းလို့ ရပ်တန့်ဖို့ကြိုးစားမိလေ ခင်ဗျားကိုချစ်တဲ့စိတ်က ပိုပြီးတော့ကြီးမားလာလေ ခင်ဗျားကိုဖက်တွယ်မိတာက ပိုပြီးတော့ခိုင်မြဲလာလေ အဲ့လိုဆိုတော့ ကျွန်တော်ပို့ပြီးတော့ပင်ပန်းလာရလေတာပါပဲဗျာ

အဲ့ဒါကြောင့် ခင်ဗျားကိုချစ်တဲ့စိတ်ကိုထိန်းချုပ်ဖို့ရော ခင်ဗျားအပေါ်ဖက်တွယ်မိတာကိုရပ်တန့်ဖို့ရော နောက်တစ်ကြိမ်မကြိုးစားတော့ပါဘူး

ခင်ဗျားဘက်ကနေ နင်ကငါ့အတွက်အနှောက်အယှက်ဖြစ်တယ် ငါ့ကိုမဆက်သွယ်ပါနဲ့လို့ ရင့်ရင့်သီးသီးပြောပြီး နှင်ထုတ်မယ့်အချိန်ကျမှပဲ ကျွန်တော်ရပ်တန့်နိုင်ဖို့ ကြိုးစားပါတော့မယ်

ချစ်တယ်ဗျာ အများကြီးအများကြီလွမ်းတယ် တအားကိုတွေ့ချင်နေတယ်ဗျာ

ခင်ဗျားရင်ခွင်ထဲတိုးပြီး လွမ်းတယ်ကိုကိုလို့ပြောပြီး တင်းတင်းကြပ်ကြပ်ကို အကြာကြီးဖက်ထားချင်တယ်

ခင်ဗျားအနားမှာနေခွင့်မရှိတော့ပေမယ့် ကျွန်တော့်မှာ ခင်ဗျားရှိတယ်ဆိုတဲ့စိတ်ကလေးက ကျွန်တော့်မနက်ဖြန်တွေကို တကယ်ကိုနွေးထွေးစေပါတယ် ကိုကို။

🥰😘