" ချစ်ပ "
၄နှစ်၆လဆိုတဲ့ အချိန်ကာလအကြာကြီးအတွင်းမှာ ဒီစကားလုံးလေးက ကျွန်တော့်ကိုဘယ်လောက်များ စိတ်ကျေနပ်မှုပေးတာလည်းဆိုရင် အခုအချိန်အထိ မျက်နှာမှာအပြုံးတွဲလွဲခိုနေရင်းနဲ့ ညအိပ်ယာဝင်ဖို့ကို နှစ်နှစ်ခြိုက်ခြိုက်အိပ်တက်တဲ့ မျက်လုံးကိုမှိတ်ဖို့အတွက် ကြိုးပန်းလို့မရတော့ဘူးဗျ
မမနဲ့အမေအပြင်သွားတော့ ညနေ၃နာရီကျော်တည်းက သားအမိသုံးယောက်ရဲ့ထဘီ၊ဘောင်းဘီတွေကိုလက်နဲ့လျှော်ဖွတ်လှန်း လူခြောက်ယောက်စာအင်္ကျီတွေကို စက်နဲ့လျှော်ဖွတ်လှန်း လုပ်နေကျမဟုတ်တော့ ညနေ၅နာရီမီးမပြတ်ခင် ညစာထမင်း၊ဟင်းချက်အပြေးချက် ညနေ၆နာရီကျော်မှခေါင်းလျှော်ရေမိုးချိုးရတော့
အိမ်အလုပ်စုလုပ်ရတာရယ် ရေမိုးချိုးခေါင်းလျှော်မိုးချုပ်တာနဲ့ လူကည၁၁နာရီကျော်ကတည်းက မလှုပ်ချင်တော့တာတောင် မီးဖိုချောင်ကိုသိမ်းပေးနိုင်သေးတယ် စိတ်ကပျော်ရွှင်နေတော့ ပင်ပန်းနေတဲ့ခန္ဓာကိုယ်ကို မငဲ့ညှာအားတော့ဘူးဗျာ
ညနေကအလုပ်လုပ်ရင်း တွေးနေမိသေးတယ်ဗျ blessing ဆိုပြီးတော့ အမှန်က ကလေးတွေစကားနဲ့ပြောရရင်တော့ ကိုယ့်အတွေးနဲ့ကိုယ် သာယာနေမိတာပါ
ကျွန်တော်အခုအချိန်အထိ သဘောကျနေတယ် ချစ်နေတယ်ဆိုတဲ့စိတ်က မကုန်ဆုံးသေးတာဟာ ခင်ဗျားဘက်ကနေ သဘောကျနေတာ ချစ်နေတာဖြစ်လို့နေမှာပါ
ခင်ဗျားလည်း သဘောကျနေတာ ချစ်နေတာက ကျွန်တော့်ဘက်ကနေ အရူးအမူးဖြစ်နေလို့ အဲ့ဒါကိုခံစားရလို့နေမှာပါ အမှန်ကအပြန်အလှန်သက်ရောက်မှုဆိုတာကို သုံးနှုန်းသင့်ပေမယ့် reaction လောက်ပေါ့ဗျာ
စိတ်ထဲမှာ blessing ဖြစ်လို့ ကျွန်တော့်ခံစားချက်တွေက မပျောက်ပျက်သွားတာပါ တွေးရင်းနဲ့ တစ်ယောက်တည်းပီတိတွေဖြစ်နေလိုက် viber က online လေးကိုဖွင့်ကြည့်လိုက်နဲ့ တစ်ယောက်တည်းကို ယောက်ယက်ခတ်နေမိတာပါဗျာ
ည၇နာရီကျော် fb ဝင်သုံးတော့ account တွေကမရှိတော့ဘူး ဘာမှမတွေးနိုင်တော့ဘဲ စာပို့မိလိုက်ပါလေရော သူ့ခမျာလည်း ကျွန်တော့်အကြောင်းသိတော့ စာတွေဆက်ပို့နေမှာစိုးလို့ အလုပ်များနေတာကိုပြောပြပေးရှာပါတယ် နောက်ဆိုရင်ဝတ္တုတစ်အုပ်စာလောက် စာတွေပို့နေမိမှာလေ
အလုပ်မအားတဲ့ကြားက အချိန်ခဏဖဲ့ပေးပြီးတော့ စကားပြောပေးရှာပါတယ် လူပင်ပန်းစိန်ပင်ပန်းနေတာကိုသိရတော့ တကယ်ကိုသနားမိတယ် တစ်ခါမျှပင်ပန်းတယ်ဆိုတာကို ထုတ်မပြောပြတက်တဲ့လူစားလေဗျာ
အဲ့ဒါတောင် ကျွန်တော်နှိပ်စက်မိပြန်တယ် လူဆိုးမကြီးလေဗျာ ချစ်တာကို ချစ်တာကိုနဲ့ သူများသားသမီးပင်ပန်းနေတာကို အားမနာစွာနဲ့နှိပ်စက်ခဲ့မိတော့ အခုတော့သနားမိနေရော ငါလည်းမကောင်းတဲ့မိန်းမကြီးပါလို့
ချစ်တယ် အဲ့စကားလုံးထက်အများကြီးပြောပြချင်ပေမယ့် ကျွန်တော်မပြောပြတက်လို့ ကိုကို့ကိုတကယ်ချစ်တယ် ဆိုတဲ့စကားသာကျွန်တော်ဆိုခဲ့မိတာပါ
ခင်ဗျားခံစားမိမယ်လို့လည်း ကျွန်တော်ယုံကြည်ပါတယ် ကျွန်တော်ချစ်တာကို ဒီအသက်အရွယ်ရောက်နေတဲ့မိန်းမတစ်ယောက်က ယောကျ်ားတစ်ယောက်ကို အခုလောက်အထိ လင်တရူးမတစ်ယောက်လို ဖက်တွယ်နေတာကို အရူးအမူးချစ်နေတာကို
အိပ်တော့မယ်ဗျာ အိမ်မက်ထဲမှာ ခင်ဗျားကိုတစ်ဝကြီးနမ်းပြီး အကြာကြီးဖက်ထားပါမယ် ကျွန်တော်အလွမ်းပြေတဲ့အထိပေါ့
လွမ်းတယ်ကိုကို တွေ့ရမယ့်နေ့ကို ကျွန်တော်စောင့်နေမှာပါ ခင်ဗျားက ကျွန်တော်ရဲ့ blessing လေးပါဗျာ။
No comments:
Post a Comment