အချစ်ကြီးသူ

 

အချစ်ကြီးသူကရှုံးသူပဲတဲ့ ကလေးပေါက်စအရွယ်တည်းကကြားခဲ့ရတဲ့ စကားစုပါ ဘယ်တက်နိုင်မလည်းဗျာ လူတစ်ယောက်တည်းကိုသာစွဲစွဲမြဲမြဲချစ်တက်တာကြီးက ကျွန်တော့်သွေးသားဆန္ဒထဲမှာ ​တည်ရှိနေတာကြီးကို..

၉ရက်နေ့က စားဘူးတောင်းပါဒခြေတော်ရာကို သွားဖူးဖြစ်တော့ fb က ခင်ဗျား account ကို ပြန်အပ်မိတယ် အရင်တစ်ခါလိုပဲ request လုပ်ထားတာကို ပြန်ဖျက်သွားပါစေလို့ မျှော်လင့်ထားခဲ့ပေမယ် account add ထားတာကိုပြန်မဖျက်ထားတော့ ကျွန်တော့်ဘက်ကနေလည်း delete မလုပ်ရဲဘူးလေဗျာ

contact မှာလည်း ဖုန်းနံပါတ်ကိုပြန်မှတ်ထားမိတယ် viber နဲ့ telegram မှာ online ဖြစ်မဖြစ်ကို ဝင်ကြည့်မိပြန်တယ်

အဲ့ဒါနဲ့ သံသရာလည်ရပြန်ရော ခင်ဗျားပြောင်းသွားတာကိုသိထားပေမယ့် wall မှာဝင်ဖတ်ကြည့်မှ အလုံးစုံအဆင်မပြေဘူးဆိုတာကို သိလိုက်ရတယ် အခိုက်အတန့်ပါပဲဗျာ ခဏနေအစစအရာရာအကုန်လုံး အဆင်ပြေချောမွေ့သွားမှာပါ ဘုရားကလည်းစောင့်ရှောက်ပေးသလို ခင်ဗျားကိုယ်တိုင်ကလည်း ဆင်သွားရင်လမ်းဖြစ်စေတဲ့ယောက်ကျားမျိုးပါဗျာ

အရင်က fb ကို ၁နာရီပြည့်အောင်မသုံးခဲ့ပေမယ့် ၉ရက်နေ့ကစပြီး fb ကို အချိန်ပြန်ပေးမိနေတယ် ဒီနေ့လည်း viber ကိုလည်း ခဏခဏဝင်ကြည့်မိတယ် online ဖြစ်နေတာတွေ့တော့ စာပို့ရဲလားဆိုတော့ ကျွန်တော်မပို့ရဲပါဘူး ဟိုဘက်မှာခင်ဗျားအလုပ်များနေမှာ စိုးရိမ်တာရယ် ၆လကျော်တစ်ယောက်နဲ့တစ်ယောက် အဆက်အသွယ်မလုပ်ခဲ့လို့ အသားကျစပြုနေတာကို ကျွန်တော်ကြောင့်အခုပြန်ပြီးလှုပ်ခတ်စေမှာကို ကျွန်တော်မလိုလားပါဘူး

ခင်ဗျားကိုအခုအချိန်အထိ သဘောကျနေမိတုန်းပါပဲ ဒါပေမယ့် မထိခိုက်စေချင်ဘူးလေ ကျွန်တော့်အလိုဆန္ဒတစ်ခုကြောင့် ခင်ဗျားဘက်မှာထိခိုက်နစ်နာသွားနိုင်တာက အများကြီးလေဗျာ ကျွန်တော့်အပြုအမူတွေကမကောင်းဘူးဆိုတာကို သိပါတယ်ဗျာ ဒါပေမယ့်တဘဝလုံးတော့ လူယုတ်မာကြီးမဖြစ်ချင်ပါဘူးဗျာ

အစစအရာရာအကုန်လုံးအဆင်ပြေရဲ့လား

လွမ်းတယ်

ကျွန်တော်ရေးပြီးတော့ပြန်ဖျက်လိုက်မိတဲ့ စကားလုံးတွေပါ

အရင်နှစ်၅လပိုင်းထဲကအဆက်အသွယ်မလုပ်တော့ဘဲ ဒီနေ့မှာပြန်ပြီးအဆင်ပြေသွားကြတာကို သတိရနေမိတယ် အခုတော့မရင်းနှီးမကျွမ်းဝင်ခဲ့တဲ့ သူစိမ်းတွေလိုပါပဲဗျာ

ခင်ဗျားစီကနေ စပြီးမဆက်သွယ်တော့ဘူးဆိုတာကို ကျွန်တော်သိထားပါတယ် အဲ့ဒါကြောင့် တည်ငြိမ်နေတဲ့အခြေအနေလေးမပျက်ယွန်းသွားအောင် ကျွန်တော်မဖျက်စီးရဲတော့ပါဘူးဗျာ

တနေ့ခင်ဗျားနဲ့ထပ်တွေ့ဖြစ်ရင်တော့ ခင်ဗျားကိုလွမ်းတယ်ဆိုတဲ့စကားကို ပြောဖြစ်မယ်ထင်ပါတယ်။

ခင်ဗျားရောက်ရှိတဲ့နေရာဒေသမှာ အစစအရာရာအကုန်လုံးအဆင်ပြေချောမွေ့အောင်မြင်ပါစေလို့ပဲ ဆုတောင်းပါတယ်

အမြန်ဆုံးအဆင်ပြေချောမွေ့အောင်မြင်မယ်လို့လည်း ယုံကြည်ထားပါတယ်ဗျာ။